“Xorvatiya üzərindəki qələbə...” – Per-Matias Hoqmo | |
“Bugünkü nəticə komandamızın əsl gücünü göstərdi. Hamı gördü ki, Norveç millisi inkişafdadı”. Bu sözləri Norveç yığmasının baş məşqçisi Per-Matias Hoqmo deyib. Avro-2016-nın seçmə mərhələsində yığmamızla eyni qrupda mübarizə aparan Norveç yığması dünən Xorvatiya ilə qarşılaşıb. Hoqmonun yetirmələri 3 gün öncə Bakıda 1 xal qazanan xorvatlara qalib gəliblər – 2:0. Görüşlə bağlı fikirlərini bölüşən təcrübəli çalışdırıcı nəticə ilə yanaşı, komandasının oyunundan da razı qalıb: “Bu gün biz yaxşı oyun nümayiş etdirdik. Nəticədə çox güclü komandaya qalib gəlməyə müvəffəq olduq. 3 xal qazanmağımızda komandada özünəinamın olması da böyük rol oynadı”. Qeyd edək ki, dünənki qələbədən sonra xallarının sayını 16-ya çatdıran Norveç yığması turnir cədvəlində ikinci pilləyə yüksəlib. |
|
Xəbər 991 dəfə oxundu. |
|
|