"İnter Arena"da Bakı derbisi

Bu gün Topaz Premyer Liqasında II tura yekun vurulacaq. Son oyun günündə bir matçı baş tutacaq. Turun son qarşılaşmasında ötən mövsümün gümüş mükafatçısı "İnter" "Neftçi"ni qəbul edəcək. Orхan Məmmədovun idarə edəcəyi görüş saat 21.00-da başlayacaq. "İnter" ilk turda səfərdə "Xəzər Lənkəran"a 0:2 hesabı ilə yenilib. "Neftçi" isə doğma meydanda "Kəpəz"lə "sülh" bağlayıb - 0:0. Qeyd edək ki, turun ilk 4 oyunu şənbə və bazar günləri keçirilib. "Qarabağ" "Rəvan"ı 2:1, "Qəbələ" AZAL-ı 2:0 hesabı ilə yenib, "Kəpəz" - "Zirə" və "Sumqayıt" - "Xəzər Lənkəran" oyunlarında qalib müəyyənləşməyib - 1:1. Premyer Liqa 2015/16 mövsümü I dövrə, II tur 17 avqust İnter - Neftçi Hakimlər: Orxan Məmmədov, Yaşar Abbasov, Mehman Mahmudov, Ömər Paşayev. AFFA nümayəndəsi: Maşallah Əhmədov. Hakim-inspektor: Xaqani Məmmədov. "İnter Arena". Saat 21.00.

Xəbər 768 dəfə oxundu.