Bakı Şəhər Gənclər və İdman Baş İdarəsinin (BŞGİBİ) təşkilatçılığı ilə futbol üzrə “Sevinc” kuboku uğrunda Bakı birinciliyi keçirilib.Yarışda Bakının 11 rayonunu təmsil edən komandalar yarışıb.
Birinci yaş qrupu üzrə (2002-2003-cü il təvəllüdlülər) yarışın yarimfinalında Yasamal rayonun məktəbliləri 2:0 hesabı ilə Xəzər rayonundan olan şagirdləri məğlub ediblər. Suraxanı məktəbliləri isə binəqədili şagirdlərə qalib gəliblər - 3:1. Final görüşündə Yasamal məktəbliləri 4:1 hesabı ilə qalib gələrək birinci olublar. Üçüncü yer uğrunda oyunda isə Xəzər rayonunun şagirdləri 2:0 hesabı ilə qalib gəliblər.
2004-2005-ci il təvəllüdlülər arasında yarışın yarımfinalında isə Xətai rayonunun məktəbliləri suraxanılı rəqiblərini 3:1, Nərimanov rayonunun komandası isə 2:0 hesabı ilə xəzərli şagirdləri məğlub ediblər. Nərimanov rayonunun təmsilçiləri finalda Xətai rayonunun komandasını 1:0 hesabı ilə məğlub edərək qalib olublar. Üçüncü yerə isə Suraxanı məktəblilərini məğlub edən Xəzər rayonunun komandası çıxıb.
Qaliblərə kubok, xatirə hədiyyələri və diplomlar təqdim edilib.
Xəbər 899 dəfə oxundu.