Pele növbəti dəfə Lionel Messini tənqid edib

Braziliyanın və dünya futbolunun canlı əfsanəsi hesab olunan Pele argentinalı Lionel Messini növbəti dəfə tənqid edib. Gələn il Çilidə keçiriləcək “Copa America” çempionatı haqqında FIFA-ya açıqlama verən Pele L.Messinin Argentina yığma komandasında yaxşı çıxış edə bilmədiyini qeyd edərək deyib: “Messi İspaniyada, “Barselona” komandasında gözəl oynayır. Amma eyni fikri onun Argentina milli komandasındakı çıxışı barədə söyləməyə bilmərik. Argentina fərqli sistemdə futbol sərgiləyir və komanda oyunu oynaya bilmir”. İyunun 11-dən iyulun 4-dək Çilidə keçiriləcək “Copa America” çempionatını “Ulduzların kuboku” adlandıran Pele bildirib ki, müasir dövrdə futbolçular oynadıqları komandalardan daha çox tanınırlar. Cənubi Amerika Kuboku da ulduzların yarışı olacaq. Buna şübhə yoxdur.

Xəbər 765 dəfə oxundu.