“Synergy Baku” velosiped komandası cari ildə ilk qələbəsini qazanıb

Xorvatiyada 30 komandanın iştirakı ilə təşkil edilən Beynəlxalq Velosipedçilər İttifaqının 2.2 kateqoriyalı “İstrian Spring Trophy” yürüşü komandamızın üzvü Markus Eybegerin çempionluğu ilə yadda qalıb. Xorvatiyada Maksim Averin, İsmayıl İlyasov, Markus Eybeger, Dennis van Vinden və Yannis Tamuridisdən ibarət heyətlə yarışan “Synergy Baku” əla komanda yürüşü sərgiləyib. Velosipedçilərimiz birinci mərhələdə 2-ci, ikinci mərhələdə isə 1-ci olmaqla ümumi liderliyi ələ keçirən M.Eybegerin sonuncu yarış günündə də lazımi nəticəni əldə etməsinə şərait yaradıb. M.Eybeger sonuncu mərhələdə 49-cu yeri tutsa da ən yaxın izləyicisi, Rusiyanın “İtera-Katyuşa” komandasının üzvü Sergey Nikolayev ilə 8 saniyəlik fərqi qoruyub və bununla da yarışın qalibinə verilən “sarı köynəyi” qazanmaqla “Synergy Baku”ya 2015-ci ildə ilk çempionluq sevinci yaşadıb. AZƏRTAC

Xəbər 842 dəfə oxundu.