"Lokomotiv" CEV kubokunda mübarizəni dayandırdı

Bu gün qadın voleybolçular arasında CEV kubokunun 1/4 final mərhələsinin cavab matçları start götürəcək. Yarışda Azərbaycanı təmsil edən “Lokomotiv” də ikinci matçına çıxıb. Bakı təmsilçisi səfərdə Krasnodar “Dinamo”sunun qonağı olub. İlk oyunda Bakıda rəqibini darmadağın edən “dəmiryolçular” səfərdə rəqibinə eyni hesabla uduzub. Qalibi müəyyən etmək üçün keçirilən qızıl setdə isə gərgin mübarizə gedib. Ancaq Rusiya təmsilçisi çətinliklə də olsa qalib gəlib. 15-13. Qeyd edək ki, Bakıda, Voleybol Mərkəzində baş tutan görüşdə Teon Buijsin yetirmələri 3:0 (25:22; 25:18; 25:22) hesabı ilə qalib gəlmişdilər. 20 yanvar CEV kuboku 1/4 final, cavab oyunu "Dinamo” (Rusiya) – “Lokomotiv” (Azərbaycan) – 3:0 (25:14; 25:19; 25:17) "QIZIL SET": - 15:13 Hakimlər: Ancelko Popoviç (Serbiya), Sergey Vaytişkoviç (Belarus) Krasnodar, Olimpiya Sarayı İlk oyun: "Lokomotiv" - "Dinamo" - 3:0 (25:22; 25:18; 25:22)

Xəbər 821 dəfə oxundu.