Millimiz Cənubi Koreyaya qarşı | |
Rusiyanın Sankt-Peterburq şəhərində keçirilən FİFA-nın I vitse-prezidenti Valentin Qranatkinin xatirəsinə həsr olunmuş XXVII ənənəvi beynəlxalq turnirdə ikinci mərhələnin oyunları davam edir. 1997-ci il təvəllüdlü futbolçulardan ibarət Azərbaycan millisi bu gün H qrupunda ikinci matçına çıxacaq. Turnirin 1-6-cı yerləri uğrunda mübarizə aparan Nikolay Adamın komandası Cənubi Koreya ilə qarşılaşacaq. Oyun Bakı vaxtı ilə saat 17:30-da başlayacaq. Qeyd edək ki, komandamız dünən qrupun ilk matçında Sankt-Peterburq klubuna 2:4 hesabı ilə uduzub. Lakin yığmamızın qrup lideri olmaq şansı hələ də qalır. Bunun üçün millimiz bu gün Cənubi Koreya yığmasını mütləq məğlub etməlidir. Növbəti turda keçiriləcək Sankt-Peterburq - Cənubi Koreya matçında isə Asiya təmsilçisi qələbə qazanmalıdır. 8 yanvar H qrupu 17:30 Azərbaycan - Cənubi Koreya |
|
Xəbər 843 dəfə oxundu. |
|
|