"Xəzər Lənkəran" tarixinin ən yaxşı futbolçuları müəyyənləşdi

İdman Araşdırmalar Mərkəzi (İAM) "Xəzər Lənkəran”la birgə klubun 10 illik yubileyinə həsr olunmuş daha bir layihəni yekunlaşdırıb. İdman.com.az-ın klubun saytına istinadən yaydığı xəbərə görə, bu dəfə İAM klubun tarixi ərzində ən yaxşı yerli futbolçusunu, legionerini və rəmzi komandasını seçib. Bu məqsədlə ölkəmizin aparıcı KİV-lərində çalışan idman jurnalistləri arasında sorğu keçirilib. Respondentlərə İAM-ın Ekspert və Qiymətləndirmə Qrupunun müəyyənləşdirdiyi 33 namizəd futbolçu arasından seçim aparmaları təklif edilib. Həmin oyunçulardan 3-ü qapıçı, hərəyə 12-si müdafiəçi və yarımmüdafiəçi, 6-sı isə hücumçu olub. Respondentlər bu siyahıdan ən yaxşı yerli və əcnəbi futbolçunu, eləcə də 1-4-4-2 taktiki sxeminə uyğun olan oyunçuları seçiblər. "Xəzər Lənkəran" tarixinin ən yaxşıları arasında yer alan futbolçular aşağıda adları qeyd olunanlardır. Rəmzi komanda: I. Qapıçı: Kamran Ağayev (32 səs) II. Mərkəz müdafiəçiləri (2): Adrian Skarlatake (30), Elvin Begiri (13) III. Sağ cinah müdafiəçisi: Füzuli Məmmədov (25) IV. Sol cinah müdafiəçisi: Radomir Todorov (15) V. Dayaq yarımmüdafiəçisi: Rahid Əmirquliyev (29) VI. Mərkəz yarımmüdafiəçisi: Mario Souza (18) VII. Sağ cinah yarımmüdafiəçisi: Julius Vobay (17) VIII. Sol cinah yarımmüdafiəçisi: Adrian Pit 22) IX. Hücumçular (2): Zaur Ramazanov (29), Oqtay Dərəlioğlu (14) X. Ən yaxşı yerli futbolçu: Rahid Əmirquliyev (14) XI. Ən yaxşı legioner: Oqtay Dərəlioğlu (11) Qeyd edək ki, sorğuya elə namizədlərin sayı qədər - 33 respondent qatılıb.

Xəbər 859 dəfə oxundu.