“Qış Kuboku” start götürəcək

Yanvarın 13-dən 15-dək Novxanı qəsəbəsindəki “Sərhədçi Atçılıq Mərkəzində” atçılığın konkur növü üzrə CSI2*-W kateqoriyalı “Qış Kuboku” adlı beynəlxalq turnir keçiriləcək. Atçılıq Federasiyasından idman.com.az saytına verilən məlumata görə, yarışda Azərbaycan, Polşa, Türkiyə və Gürcüstan idmançıları iştirak edəcəklər. Türkiyə və İran İslam Respublikasından dəvət olunmuş hakimlər heyətinin idarə edəcəyi turnirin ümumi mükafat fondu 93 min ABŞ dollarıdır. Turnirin ilk günü açılış yarışı, ikinci gün vaxta qarşı yarış və sonuncu gündə isə Qran-pri mərhələsi keçiriləcək. Yarışlara hər gün saat 15:00-da start veriləcək. İlk 2 gündə iştitakçılar hündürlüyü 145 sm, Qran-pri mərhələsində isə maksimum hündürlük 140-160 sm olan maneələri dəf edəcəklər.

Xəbər 1224 dəfə oxundu.