"Qarabağ"dan böyük sürpriz" - Türkiyə mətbuatı

"Qarabağ"ın Avropa Liqasının qrup mərhələsinin 5-ci turunda səfərdə "Sent-Etyen"lə bərabərə (1:1) qalaraq qrupda ikinci pilləyə yüksəlməsinə Türkiyə mətbuatı da biganə qalmayıb. Ölkənin "NTV Spor" telekanalının saytı, Ajansspor xəbər agentliyi, sporx.com saytı Ağdam təmsilçisinin Fransadakı oyunu barədə yazıblar. Türkiyə KİV-ləri "Qarabağ"dan böyük sürpriz" başlıqlı xəbərdə komandanın bu heç-heçə ilə qrupda ikinci pillədə yüksəldiyini qeyd ediblər. Xatırladaq ki, "Qarabağ" Avropa Liqasının qrup mərhələsinin sonuncu turunda "İnter"i qəbul edəcək.

Xəbər 824 dəfə oxundu.