İki boksçumuz dünya çempionatının medalını təmin etdi | |
Koreyanın Jeju şəhərində boks üzrə qadınlar arasında dünya çempionatı davam edir. Azərbaycan milli komandasının iki üzvü yarımfinala vəsiqə qazanaraq, yarışın medallarını özlərinə təmin ediblər. Avropa çempionu Yelena Vıstropova (69 kq) ¼ finalda ABŞ təmsilçisi Danielle Volf üzərində qələbə qazanıb -2:1. Boksçumuz yarımfinalda Panama idmançısı Athena Bilonla qarşılaşacaq. 60 kq çəki dərəcəsində çıxış edən Yana Alekseyeva da yarımfinala yüksəlib. Milli komandamızın üzvü ¼ finalda avstraliyalı Şelli Votsu mübarizədən kənarlaşdırıb – 3:0. Alekseyevanın növbəti rəqibi Fransa təmsilçisi Estell Mosseli olacaq. Anna Əlimardanova isə (54 kq) ¼ finalda uduzaraq, medal qazanmaq şansını itirib. Millimizin üzvü türkiyəli Ayşə Taşa məğlub olub – 0:3. Yarımfinal görüşləri noyabrın 23-də, finallar isə bundan bir gün sonra olacaq. |
|
Xəbər 905 dəfə oxundu. |
|
|