«Bakı» ilk məğlubiyyətini aldı

Qadın voleybolçular arasında Azərbaycan Super Liqasında yaranmış fasilə başa çatıb. İdman.com.az saytının məlumatına görə, V turda 3 qarşılaşma baş tutub. Bakı İdman Sarayında keçirilmiş matçlarda favoritlər növbəti qələbələrini qazanıblar. Ölkə çempionu «Rabitə» məğlubiyyət acısı dadmayan «Bakı»nı 3 setdə məyus edib. «İqtisadçı»nın istirahət etdiyi turda debütantlar - «Azəryolservis»lə «Lokomotiv Biləcəri» klubları üz-üzə gəliblər. Maraqlı idman mübarizəsi şəraitində keçən görüşdəbirincilər autsayderə şans verməyiblər. Tura «Lokomotiv» – «Azərreyl» oyunu ilə yekun vurulub. Ötən mövsüm “Çelenc Cup”ın finalında üz-üzə gələn bu komandaların duelində qalib tay-brekdə müəyyənləşib. «Azərreyl» avrokubokda olduğu kimi, bu dəfə də rəqibindən üstün olub. Qeyd edək ki, növbəti görüşlər yanvarın 22-də keçiriləcək. 6 yanvar V tur «Lokomotiv» – «Azərreyl» - 2:3 (16:25, 25:23, 25:20, 23:25, 11:15) Hakimlər: Eldar Zülfüqarov, Rauf Hacıyev «Bakı» – «Rabitə» - 0:3 (16:25, 23:25, 18:25) Hakimlər: Vüqar Cəfərov, Murad Abdurahmanzadə «Azəryolservis» – «Lokomotiv Biləcəri» - 3:0 (25:11, 25:22, 25:18) Hakimlər: Konstantin Selin, Ceyhun İsmayılov O Q M S T X 1.«Bakı» 5 4 1 12-3 361:297 9 2.«Rabitə» 3 3 0 9-1 242:178 6 3.«Azərreyl» 3 3 0 9-3 286:237 6 4.«Azəryolservis» 4 1 3 5-9 295:315 5 5.«Lokomotiv Biləcəri»5 0 5 0-15 235:376 5 6.«Lokomotiv» 3 1 2 5-6 148:2 20 4 7.«İqtisadçı» 3 1 2 4-7 240:266 4

Xəbər 1073 dəfə oxundu.