6-7 noyabr tarixlərdə Gənclər Mərkəzində yeniyetmə oğlanlar və qızlar arasında 9 noyabr “Dövlət Bayrağı günü”nə həsr olunmuş şahmat üzrə rayon birinciliyi keçirilib.Siyəzən rayon Gənclər və İdman idarəsinin rayon Təhsil şöbəsi və Mədəniyyət İşçiləri Həmkarlar İttifaqlarının Siyəzən rayon komitəsi ilə birgə təşkil etdiyi birincilikdə 40-dan çox yeniyetmə iştirak edib.
Yarış “Dövlət Bayrağı günü”nün qeyd olunması ilə yanaşı, perspektivli şahmatçıların üzə çıxarılması, yeniyetmələrin şahmata maraqlarının artırılması və onların asudə vaxtlarının səmərəli təşkil olunması məqsədi daşıyıb.
Yekun nəticələrə görə qızlar arasında Nigar Dəmirova (3 saylı) birinci yerə, Rəfiqə Əlifova (2 saylı) ikinciyə, Nəzrin Allahverdiyeva üçüncüyə; oğlanlar arasında Kamran Əsədov (3 saylı) birinci yerə, Rüstəm Əhmədov (6 saylı) ikinciyə Murad Ağarəhimov (4saylı) üçüncüyə layiq görülüb.
Qaliblər təşkilatçılar tərəfindən fəxri fərman və qiymətli hədiyyələrlə mükafatlandırılıblar.
Xəbər 1084 dəfə oxundu.