“Neftçi” rəhbərliyində yeni təyinatlar oldu

Bu gün “Neftçi” PFK-nın prezidenti Sadıq Sadıqovun rəhbərliyi ilə klubdaxili iclas keçirilib. İclasda klubun rəhbərliyinə təyinatlarla bağlı qərarlar verilib. “Neftçi”nin saytı yazıb ki, klubun vitse-prezident səlahiyyətlərinin icrası müvəqqəti olaraq “Neftçi” PFK-nın icraçı direktoru Mübariz Xudiyevə tapşırılıb. Elnur Şükürov (Elnur Əşrəfoğlu) isə klub prezidentinin müşaviri vəzifəsinə təyin edilib. Qeyd edək ki, bu qərarla indiyədək klubda vitse-prezident olan Tahir Süleymanovun “Neftçi”dəki işinə rəsmən nöqtə qoyulub.

Xəbər 920 dəfə oxundu.