Ronaldo "Liverpul"la oyunları səbirsizliklə gözləyir
"Real" (Madrid) klubunun hücumçusu Kriştiano Ronaldo Çempionlar Liqasının püşkünü dəyərləndirib.

B qrupunda "Bazel", "Ludoqorets" və "Liverpul"la qarşılaşacaq "Real"ın portuqaliyalı futbolçusu ingilis klubu ilə keçirəcəkləri oyunları xüsusi qeyd edib:

"0:5? Həmin vaxt mən komandada yox idim. Bu dəfə fərqli oyunlar olacaq. Çempionlar Liqasında hər oyun ayrıca tarixdir. Bu il bizim yeni komandamız var. Bəli, "Liverpul"da da bəzi dəyişikliklər olub. Yenidən "Liverpul"a qarşı oynayacağım üçün şadam. Hələ "Real"ın heyətində "Enfild" stadionunda "Liverpul"a qarşı oynamamışam. Bu baxımdan "Liverpul"la oyunu səbirsizliklə gözləyirəm. Bilirəm ki, orada qələbə qazanmaq asan deyil. Ancaq istənilən halda, biz "Real"ıq".

Qeyd edək ki, 2008/2009 mövsümündə Çempionlar Liqasının 1/8 finalında "Liverpul" "Real"ı ümumi hesabda 5:0 hesabı ilə (4:0, 1:0) üstələmişdi.

Xəbər 924 dəfə oxundu.