"İnter" də Kanaleslə danışıq aparır

Bildiyiniz kimi, "Neftçi" sabiq futbolçusu Nikolas Kanalesi geri qaytarmaq üçün əməli fəaliyyətə keçib və bu məsələ demək olar ki, həll olunmaq üzrədir. Hətta "Çixura" ilə Gürcüstandakı matçdan sonra jurnalistlərə açıqlamasında paytaxt klubunun prezidenti Sadıq Sadıqov da çilili hücumçunun gələcəyinə eyham vurub. Lakin bu məsələ ilə bağlı çox maraqlı məlumat əldə edib. Həmin məlumata görə, Azərbaycanın başqa bir iddialı klubu da Kanales uğurunda mübarizəyə qoşularaq, "Neftçi"yə rəqib olub. Söhbət "İnter"dən gedir. Böyükağa Hacıyevlə daim soyuq münasibətdə olan Kaxaber Sxadadzenin də hazırda səviyyəli hücumçu axtardığı heç kimə sirr deyil. "Neftçi"nin büdcəsinin azaldılmasından istifadə edən gürcü məşqçi Kanalesə daha yüksək məbləğ təklif etməklə həm hücum xəttini gücləndirməyi, həm də rəqibi Hacıyevə zərbə vurmağı düşünür. Deyilənə görə, "bankirlər" artıq çilili hücumçu ilə gizlin danışıqlar da aparır.

Xəbər 826 dəfə oxundu.