"Qızıl qran-pri" beynəlxalq turniri yaxınlaşır | |
25-27 iyulda Bakıda ümummilli lider Heydər Əliyevin xatirəsinə güləş üzrə “Qızıl qran-pri” beynəlxalq turnirinin final mərhələsi baş tutacaq. Sayca 7-ci dəfə keçiriləcək yarışda dünyanın 40-a yaxın ölkəsindən 400-ə qədər idmançının iştirakı gözlənilir. Azərbaycan Güləş Federasiyası yarışın hazırlıqlarını davam etdirir. Təşkilat Komitəsinin üzvləri müəyyənləşib və Tədbirlər Planına uyğun olaraq işlərin icrasına start verilib. “Sərhədçi” İdman Olimpiya Mərkəzində keçiriləcək turnir 3 gün davam edəcək və “İdman Azərbaycan” kanalı vasitəsilə canlı yayımlanacaq. Proqrama əsasən, yarışların ilk günündə sərbəst güləşçilər mübarizə aparacaq. İyulun 26-da qadın, 27-də isə yunan-Roma güləşi üzrə qaliblər müəyyənləşəcək. |
|
Xəbər 767 dəfə oxundu. |
|
|