Joze Mourinyodan Fabreqas açıqlaması
"Çelsi" klubunun baş məşqçisi Joze Mourinyo Sesk Fabreqası transfer etdikləri ilə bağlı yayılan xəbərlərə münasibət bildirib.

"Yahoo"ya danışan portuqaliyalı mütəxəssis Fabreqasla maraqlandıqlarını təsdiq edib:

"Fabreqasla maraqlanırıq. Onun "Barselona"dan ayrılacağı gözlənilir. İspaniyalı futbolçu yenidən İngiltərədə oynamağa hazır görünür. Ancaq onun bizimlə və ya başqa klubla müqavilə imzalayacağı haqda danışmaq hələ tezdir. Buna dünya çempionatından sonra aydınlıq gələcək".

Qeyd edək ki, Fabreqasla "Arsenal", "Mançester Siti" və "Mançster Yunayted" klubları da yaxından maraqlanır.

Xəbər 848 dəfə oxundu.