Berti Foqts: "Bu, çox çətin qrupdur"

"Ümid edirəm və arzulayıram ki, Almaniya millisi dünya çempionu ola biləcək". Bu sözləri Azərbaycan milli komandasının baş məşqçisi Berti Foqts "Sky Sport News"a açıqlamasında deyib. ABŞ millisinin çalışdırıcısı Yurgen Klinsmannın xüsusi məsləhətçisi kimi Braziliyada təşkil olunacaq dünya çempionatına gedəcək almaniyalı mütəxəssis ölkəsinin yığmasının çətin qrupa düşdüyünü bildirib: "Bu, çox çətin qrupdur. ABŞ yığması "pley-off"a yüksələrsə, bu böyük uğur sayılar. Ancaq hətta Almaniya millisinə də qrupdan çıxmaq asan olmayacaq". Qeyd edək ki, G qrupunda Almaniya, ABŞ, Portuqaliya və Qana yığmaları mübarizə aparacaqlar.

Xəbər 795 dəfə oxundu.