Gələn il ölkəmizin ev sahibliyi edəcəyi ilk Avropa Oyunlarının proqramına daxil olan idman növləri içərisində velosiped (şosse, MTB və BMX) də var. İdman.com.az saytı xəbər verir ki, bununla əlaqədar Bakı-2015-in Təşkilat Komitəsi, eləcə də Azərbaycan Velosiped Idmanı Federasiyasının (AzVİF) birgə təşkilatçılığı ilə hakimər üçün xüsusi kurslar keçirilib.Xüsusi qeyd edilməli məqam burasıdır ki, ilk Avropa Oyunlarının proqramına daxil olan idman növləri arasında ilk kurslar məhz AzVİF-in təşəbbüsü ilə baş tutub və bu tədbirdə federasiyanın 17 nümayəndəsi iştirak edib. Kurslara Bakı-2015-in Təşkilat Komitəsinin üzvü, Beynəlxalq Velosipedçilər Ittifaqının (UCI) beynəlxalq dərəcəli hakimi Vladimiros Petsas rəhbərlik edib.
3 gün davam edən tədbirin yekunu olaraq götürülən imtahanların nəticəsi ürəkaçan olub – federasiyamızın bütün üzvləri imtahanlardan uğurla keçiblər. Bu isə onlara Bakı-2015-in velosiped yarışlarında hakimlik etməyə imkan verir.
Xəbər 1066 dəfə oxundu.