"Qəbələ" "Xəzər Lənkəran"a qarşı

Bu gün futbol üzrə Azərbaycan kubokunun yarımfinal mərhələsinin ilk oyunları keçiriləcək. İlk qarşılaşma Qəbələdə keçiriləcək. Burada yerli "Qəbələ" klubu "Xəzər Lənkəran"ı qəbul edəcək. Qonaqların çempionatda iddiası qalmadığını, meydan sahiblərinin isə avroliqada məhz kubok vasitəsi ilə oynamaq istədiklərini nəzərə alsaq, komandalar arasında gərgin mübarizə gedəcəyini demək olar. Digər oyunda isə "Neftçi" öz meydanında "Rəvan"ı qəbul edəcək. Bu komandalar indiyədək kubok oyununda üz-üzə gəlməyib. "Rəvan" ilk dəfədir ki, yarımfinalda mübarizə aparır. "Ağ-qaralar" görüşün favoriti sayılsa da, "Rəvan"ın da asan təslim olmayacağı bəllidir. Qeyd edək ki, yarımfinal mərhələsinin cavab oyunları aprelin 24-də keçiriləcək. 16 aprel Azərbaycan kuboku, yarımfinalın ilk oyunları 16:00. "Qəbələ" - "Xəzər Lənkəran" - 0:0 (Birinci hissə) Hakimlər: Rauf Cabbarov, Namiq Hüseynov, Zeynal Zeynalov, Fariz Yusifov Əlavə köməkçi hakimlər: Ramil Əhmədov, Ramil Diniyev Qəbələ şəhər stadionu. 19:00. "Neftçi" - "Rəvan" Hakimlər: Rəhim Həsənov. Yaşar Abbasov, Akif Əmirəli, Ömər Paşayev Əlavə köməkçi hakimlər: İnqilab Məmmədov, Elvin Əsgərov Bakı. 8-ci km qəsəbə stadionu

Xəbər 917 dəfə oxundu.