Rusiyanın Anapa şəhərində yeniyetmələrdən ibarət velosipedçilər arasında açıq ölkə birinciliyinin ilk mərhələsi keçirilib. Hazırda təlim-məşq məqsədilə baş məşqçi Əbülfəz Məmmədovun rəhbərliyi altında Anapada hazırlıq prosesi keçən yeniyetmələrdən ibarət yığma komandamızın üzvləri də bu yarışda iştirak ediblər.Rusiya birinciliyinin birinci mərhələsində iştirakçılar dağ yolları ilə 100 km məsafə qət ediblər. Idmançılarımızdan ən yaxşı nəticəyə Elgun Əlizadə imza atıb – o yürüşün qalibi, məsafəni 2 saat, 40 dəqiqə, 50 saniyəyə başa vuran rusiyalı Nikolay Çerkasovdan 2 dəqiqə, 28 saniyə geri qalmaqla 7-ci yeri tutub. Qeyd edək ki yürüşdə ümumilikdə 171 velosipedçi iştirak edib.
Daha sonra velosipedçilərimiz qrup halında start götürməklə 35 km məsafəyə ümumrusiya yarışlarında da mübarizə aparıblar. Burada da Elgün Əlizadə fərqlənməyi bacarıb – o mərhələ qalibi, yerli idmançı Iqor Kuznetsovdan 4 saniyə geri qalmaqla 11-ci olub – 50 dəqiqə, 5 saniyə.
Xəbər 825 dəfə oxundu.