Martın 6-da Astara rayon H.Əliyev Mərkəzində kompyuter oyunları üzrə 13-18 yaşlı yeniyetmə və gənclər arasında Astara rayon birinciliyi keçirilib.Oyunların əsasnaməsi Rayon İcra Hakimiyyəti, Rayon Gənclər və İdman İdarəsi və Rayon Təhsil Şöbəsi tərəfindən təsdiq olunub.
Oyunların püşkatma mərasimindən sonra “Counter-Striker” komanda oyunu üzrə 10 komanda və “Pes 2013” şəxsi oyunu üzrə 10 nəfər (hər komandadan 1 nəfər) mübarizəyə başlayıblar.
“Couner-Striker” komanda oyununda birinci, ikinci və üçüncü yerlərə müvafiq olaraq “Uğur” (Suparibağ kənd tam orta məktəb), “Rambo” (Artupa kənd tam orta məktəb), “Young Boys”-(Şəhər 3 saylı tam orta məktəb); “Pes 2013” şəxsi oyununda birinci, ikinci və üçüncü yerlərə müvafiq olaraq Namik Tarifzadə (Artupa kənd tam orta məktəb), Süleyman Ağayev (Pensər kənd 1 saylı tam orta məktəb), Vahid Qurbanov (Şəhər 2 saylı tam orta məktəb) layiq görülüblər.
Komanda üzrə və şəxsi birinciliklərdə fəxri yerləri qazananlar Astara RGİİ-nin fəxri fərmanları və medalları ilə təltif olunublar.
Qalib komanda və qalib gənclər Respublika zona birinciliklərində Astara rayonunu təmsil etmək hüququ qazanıblar.
Xəbər 1619 dəfə oxundu.