Yığmamız “Antalya O-Days” turnirində iştirak edəcək | |
İdmanın səmti müəyyən etmə növü üzrə Azərbaycan milli yığmasının dörd üzvü - Vladislav Tuzov, Ramin Əliyev, Elina Çerpakova və Tatyana Qəniyeva fevralın 27-dən martın 2-dək keçiriləcək Dünya Kuboku və “Antalya O-Days” turniri ərəfəsində beynəlxalq dərəcəli mütəxəssislər və məşqçilər tərəfindən təşkil olunacaq təlim-məşq toplanışına qatılmaq üçün Türkiyəyə yola düşmüşdür. Təlim-məşqlər Türkiyənin Manavqat, Kəmər və Antalya şəhərlərində təşkil olunacaqdır. Məşqlərdən sonra milli komanda fevralın 27-də başlanacaq Dünya Kuboku və “Antalya O-days” turnirinə qatılacaqdır. Federasiyanın nümayəndələri və milli komandanın digər üzvləri bu yarışlarda iştirak etmək üçün fevralın 26-da Türkiyəyə yollanacaqlar. |
|
Xəbər 2083 dəfə oxundu. |
|
|