Pike: "Mançester Siti" əvvəlki kimi bizdən çəkinmir"

"Əvvəlki kimi rəqiblərimizi qorxutduğumuzu deyə bilmərəm. Ancaq onu bilirəm ki, artıq rəqibimiz əvvəlki kimi bizdən çəkinmir. Nəzərə alaq ki, iki ildir Çempionlar Liqasında finala çıxa bilmirik". Bu sözləri "Barselona" klubunun müdafiəçisi Xerard Pike UEFA-nın rəsmi saytına açıqlamasında deyib. Bu axşam Çempionlar Liqasının 1/8 final mərhələsində qarşılaşacaqları "Mançester Siti" ilə oyun haqda danışan ispaniyalı futbolçu Mançesterdə qələbə üçün oynayacaqlarını bildirib: "Rəqibimiz bizə hörmətlə yanaşır. Çünki bizim komandada La Liqa, Çempionlar Liqası və dünya klublararası dünya kubokunun qalib futbolçuları çıxış edir. "Barselona" dünyanın ən güclü komandasıdır. Ancaq biz bunu meydanda bir daha sübu etməliyik. Mançesterdə qələbə qazanmaq istəyirik". Qeyd edək ki, "Mançester Siti" - "Barselona" oyunu bu axşam, Bakı vaxtı ilə saat 23:45-də başlayacaq.

Xəbər 822 dəfə oxundu.