Sərbəst güləş üzrə qadınlardan ibarət yığma komandanın 2014-cü il üçün nəzərdə tutulan təqvim planına əsasən, qarşıdan gələn beynəlxalq yarışlara və Avropa çempionatına hazırlıq məqsədilə Ukrayna yığması ilə birgə təlim-məşq toplanışı başlayıb. Fevralın 10-dan başlayan təlim məşq toplanışında yığma komandanın əsas heyəti iştirak edəcək. Baş məşqçi Yaqub Məmmədov və böyük məşqçi Konstantin Konorevin rəhbərliyi altında heyətdə 7 güləşçi yer alıb.
Kiyevdə keçiriləcək təlim-məşq toplanışına Mariya Stadnik (48 kq), Patimat Baqomedova (53 kq), Yuliya Ratkeviç (58 kq), İrina Netreba (60 kq), Raqnetta Qurbanzadə (63 kq), Nadya Sementsova (69 kq) və Səbirə Əliyeva (75 kq) cəlb olunub.
Birgə təlim-məşq toplanışı fevralın 26-dək davam edəcək.
Xəbər 851 dəfə oxundu.