Kris Smollinq uğursuz seçiminə görə üzr istədi

İngiltərənin “Mançester Yunayted” klubunun müdafiəçisi Kris Smollinq uğursuz seçiminə görə üzr istəyib: futbolçu karnavala boynundan partladıcı qurğu asılmış, intiharçı-terrorçu geyimində gəlmişdir. Əvvəllər Britaniya KİV-lərində idmançının bu geyimdə getdiyi şənlikdə çəkilmiş fotoşəkilləri dərc olunmuşdu. “Sky sports” televiziya kanalı bildirir ki, Smollinqin geyimi ərəb ölkələrində kişilərin populyar baş örtüyündən, bədənə bərkidilmiş elektronikadan, məftillərdən və mobil telefondan ibarət olmuşdur. Məftillər “Jagermeister” likör şüşələrinə və “Red Bull” bankalarına birləşdirilmişdi. Futbolçunun menecerləri izah etmişlər ki, o, “Yaqer Bomb” kokteylini təsvir etməyə çalışmışdır. Bəyanatda deyilir ki, Smollinq öz geyiminin necə reaksiya doğurduğunu başa düşür və öz seçimi ilə kimlərinsə xətrinə dəyməsindən təəssüflənir.

Xəbər 1044 dəfə oxundu.