"Milan" Hondanı rəsmən transfer etdi | |
İtaliyanın "Milan" klubu CSKA (Moskva) komandasının futbolçusu Keysuke Hondanı transfer edib. Bu barədə klubun vitse-prezidenti Adriano Qalliani açıqlama verib. "Sky Sport İtalia"ya danışan Qalliani yaponiyalı futbolçunu rəsmən transfer etdiklərini bildirib: "Artıq transfer haqda danışa bilərik. Honda rəsmən "Milan"ın futbolçusudur. Futbolçu yanvarın 3-dən bizimlə olacaq. Honda yeni komandasında 10 nömrəli formanı geyinəcək". "Milan"la 4 illik müqavilə imzalayan 27 yaşlı futbolçunun yeni komandasındakı qazancı da açıqlanıb. Belə ki, Yaponiya millisinin üzvü Milanda ilin 2,5 milyon avro qazanacaq. Qeyd edək ki, 2009-cu ildən CSKA-nın formasını geyinən Honda keçirdiyi 127 oyunda 28 qola imza atıb. |
|
Xəbər 864 dəfə oxundu. |
|
|