Avropa çempionatında ilk iki medal

Rusiyanın Anapa şəhərində yeniyetmələr arasında keçirilən Avropa çempionatında Azərbaycanın ən azı 2 boksçusu bürünc medalı təmin edib. Bunlar Rüfət Hüseynov və Ümid Rüstəmovdur. 46 kq çəki dərəcəsində mübarizə aparan Hüseynov ¼ finalda Ermənistan boksçusu Sergey Getovonyan üzərində inamlı qələbə qazanıb – 3:0. Həmyerlimiz yarımfinalda Gürcüstan təmsilçisi Giorgia Çarqazia ilə qarşılaşacaq. 50 kq çəkidəki Rüstəmov isə macarıstanlı Mate Çazçarı üstələyib – 3:0. Rüstəmovun növbəti rəqibi irlandiyalı Patrik Kleari olacaq. Qeyd edək ki, Avropa çempionatında daha 5 boksçumuz ¼ final döyüşünə çıxacaq (Lent.az).

Xəbər 1016 dəfə oxundu.