"İnter" istirahət etməyəcək

“İnter” Topaz Premyer Liqasının 5-ci turunun “Simurq”la oyunundan sonra futbolçulara istirahət verməkdən imtina edib. Bu addımla Kaxaber Sxadadze mətbuatın zərbələrindən yaranmış əzabın hirsini son oyunda 1:2 hesabıyla uduzan futbolçulardan çıxacaq. Azərbaycan yığmasının DÇ-2014-ün seçmə mərhələsi çərçivəsində İsraillə oyunu ilə əlaqədar yaranan iki həftəlik fasiləyə görə əksər komandalar futbolçularına bir neçə günlük istirahət verib. Paytaxt klubu növbəti oyununu sentyabrın 12-də “Neftçi”yə qarşı keçirəcək. Həmin oyunun hazırlıqları isə artıq başlayıb və məşqlər derbidən bir gün öncəyə qədər davam edəcək.

Xəbər 891 dəfə oxundu.