"Qəbələ" "İnter"lə oyunun hazırlıqlarına start verdi

Topaz Premyer Liqasının ilk həftəsində səfərdə "Bakı"nı məğlub edən (2:1) "Qəbələ" bazar ertəsindən etibarən növbəti turun hazırlıqlarına start verib. İdman.com.az-ın klubun rəsmi saytına istinadən verdiyi məlumata görə, iki günlük istirahətdən sonra doğma məkanda toplaşan Yuri Syominin komandası gündəlik iki məşqlə ikinci turda baş tutacaq "Qəbələ" - "İnter" qarşılaşmasına hazırlaşır. İlk qarşılaşmada yer almayan futbolçular məşqlərə daha əvvəl - bazar günü başlayıb. "Bakı" ilə oyunda əldə olunan əzmkar qələbədən sonra çempionata uğuru start verən "qırmızı-qaralar"ın düşərgəsində yüksək əhval-ruhiyyə müşahidə olunur.

Xəbər 998 dəfə oxundu.