Gürcüstanda keçirilən Temo Kazaraşvilinin xatirə turniri başa çatıb. İdman.com.az saytı awf-az.org-a istinadən xəbər verir ki, bu yarışda iştirak edən yeniyetmə yunan-Roma güləşçilərindən ibarət Milli komandamız ümumilikdə 4 gümüş və 2 bürünc medal qazanıb. Finala qədər maneəsiz gələn güləşçilərimizdən Nofəl Babayev (42 kq) və Mehrac Kərimov (69 kq) gürcü, Elçin Məmmədov (54 kq) və Zahid Ələkbərzadə (58 kq) isə türk güləşçi ilə görüşdən məğlub ayrılıb və gümüş medalla kifayətlənib.
Adambek Şidukov (100 kq) gürcü güləşçisi ilə həlledici görüşdə qalib gəlib və bürünc medal qazanıb. 100 kq çəkidə digər təmsilçimiz Cavid Feyziyev də bürünc medala sahib olub.
Yaşar Məmmədzadə (46 kq) və Şamo Süleymanov (58 kq) beşinci olub.
Komanda hesabında Azərbaycan güləşçiləri üçüncü sırada qərarlaşıb. İlk sıranı Gürcüstan, ikinci yeri Türkiyə pəhləvanları tutub.
Xəbər 959 dəfə oxundu.