«Real» və «Arsenal» Qonsalo İquainin keçidinin təfərrüatlarını razılaşdırdılar. İdman.com.az saytı xəbər verir ki, argentinalının transferinin dəyəri 23 milyon funtdur. Lakin şəxsi müqavilənin şərtləri hələ ki, rəsmi açıqlanmır. Britaniya mətbuatının yazdığına görə, «Arsenal»la müqavilə 4-illik müddətə bağlanıb. Yaxın günlərdə futbolçu tibbi müayinə üçün «Topçular»ın bazasına gələcək. İquain «Arsenal»a hələ bir ay əvvəl keçməli idi. Ancaq o zaman «Real» 30 milyondan aşağı düşmürdü. «Real»ın forvardına «Yuventus» da iddialı idi. Lakin «Arsenal»ın təklifi daha sərfəli oldu.
İndi İquain yeni komandasına Asiya turnesi zamanı qatılacaq. O, «Real»da 7 mövsüm keçirib. Futbolçu 2006-cı ildən bəri bu komandada 264 matç keçirib və 121 qol vurub. Argentinalı forvard madridlilərlə İspaniyanın üçqat çempionu və ikiqat Superkuboku qalibidi. İquain 2006-cı ildə Argentina çempionatının aperturada ən yaxşı bombardiri olub.
2010-cu ildə 4 qolla Argentina yığmasının dünya çempionatında ən məhsuldar oyunçusu olub. 2009-2-10-cu illər mövsümündə İspaniya çempionatında 29 qol vuraraq, yalnız Lionel Messidən geri qalıb. La Liqanın son mövsümündə 28 oyuna 16 qol vurub.
Xəbər 1082 dəfə oxundu.