“Simurq” növbəti yoxlama oyunu keçirib | |
Türkiyədə növbəti mövsümə hazırlaşan Zaqatalanın “Simurq” futbol komandası təlim-məşq toplanışı çərçivəsində növbəti yoxlama oyununu keçirib. Zaqatala təmsilçisi Gürcüstanın “Dila” komandası ilə qarşılaşıb. “Green Park” otelinin meydançasında keçirilən oyun heç-heçə ilə yekunlaşmışdır – 3:3. “Simurq”un qollarını Lukas Bayer (2 top) və Taqim Novruzov vurublar. Qeyd edək ki, “Simurq” Türkiyə toplanışı çərçivəsində ilk yoxlama oyununda Rusiyanın “Spartak” (Nalçik) klubuna 0:1 hesabı ilə uduzub. |
|
Xəbər 803 dəfə oxundu. |
|
|