20 ən uğurlu transfer sazişi | |
Dünya transfer bazarı qaynamaqdadır. İdman.com.az saytı xəbər verir ki, klub rəhbərlərindən bir qismi heyətini ideallaşdırmaq üçün ciblərini geniş açdıqları halda, digərləri ucuz aldıqlarını baha satmağa, yaxşıca pul qazanmağa çalışırlar. Belə hallar adətən qərbdə olduğu halda, bu dəfə Şərqi Avropada da uğurlu transferin şahidi olduq. Donetks «Şaxtyor» Fernandinyonun «Mançester Siti»yə satışından yaxşıca pul qazanmış oldu. Bu məqamda dünya futbol tarixinin gəliri baxımından ən sərfəli 20 transferini nəzərdən keçirək. 20. «Benfika» və Aksel Vitsel Alınıb: 9 mln. avroya «Standart»dan Satılıb: 40 mln. avroya «Zenit»ə Gəlir: 31 mln. avro «Zenit»in prezidenti Aleksandrn Dyukov Vitselə görə ödənilən 40 milyon avronun 3 ilə uzadılmasına görə sazişi sərfəli adlandırırdı. Belə halda «Benfika»anın onu «Standart»dan 9 milyona almasını necə adlandırmaq olar? 19. «Milan» və Tyaqo Silva Alınıb: 10 mln. avroya «Fluminense»dən Satılıb: 42 mln. avroya PSJ-yə Gəlir: 32 mln. avro Tyaqo Silva topdansatış futbolçusundan son illərin ən bahalı müdafiəçisinə qədər yol keçdi. PSJ-yə keçməzdən öncə braziliyalı ilə «Real» çox yaxından maraqlanırdı. Lakin onun həyat yoldaşı Madridə köçmək istəmədi. 18. «Şaxtyor» və Fernandinyo Alınıb: 7,8 mln. avroya «Atletiko Paranaense»dən Satılıb: 40 mln. avroya «Mançester Siti»yə Gəlir: 32,2 mln. avro Ukrayna təmsilçisinin prezidenti Rinat Axmetov futbolçuya qoyulan 50 milyon avro dəyərdən enməyə razı oldu, ancaq bir şərtlə ki, Fernandinyo tərkibində xoşbəxt olacağı bir klubla müqavilə imzalayacaqsa. 17. «Arsenal» və Mark Overmars Alınıb: 7,5 mln. avroya «Ayaks»dae Satılıb: 40 mln. avroya «Barselona»ya Gəlir: 32,5 mln. avro Tarixin ən sürətli futbolçularından biri hələ 2000-ci ildə «Arsenal»ı tərk edib «Barselona»ya keçmişdi. Lakin bu transfer «Arsenal»a sərfəli olsa da, futbolçunun özü üçün uğurlu sayıla bilməz. Overmars Kataloniyada bir mükafat belə qazana bilmədi. 16. «Volfsburq» və Edin Zeko Alınıb: 4 mln. avroya «Teplise»dən Satılıb: 37 mln. avroya «Mançester Siti»yə Gəlir: 33 mln. avro Zekonu «Teplise»də Feliks Maqat «Volfsburq»un çempionluq transfer kampaniyasında tapmışdı. Alman klubu 4 milyona aldığı və 26 qolu ilə komandanı Bundesliqa zirvəsinə qaldırdığı futbolçunu 9 dəfədən də çox baha satdı. 15. «Atletik» və Xavi Martines Alınıb: 6 mln. avroya «Osasuna»dan Satılıb: 40 mln. avroya «Bavariya»ya Gəlir: 34 mln. avro. «Atletiko» 17 yaşlı oğlan üçün 6 milyon avro verəndə risk edirdi. «Bavariya» isə bu riski 6 il sonra Bundesliqa rekordu olan 40 milyon avronu ödəyəndə edirdi. Hər iki halda risk özünü doğrultdu. 14. «Arsenal» və Nikolya Anelka Alınıb: 0,76 mln. avroya PSJ-dən Satılıb: 35 mln. avroya «Real»a Gəlir: 34,24 mln. avro «Arsenal» futbolçu üçün cəmi 760 milyon avro ödədiyi haldı, «Real» 2 il sonra 46 dəfə yüksək qiymətə fransalı futbolçunu aldı. 13. «Sevilya» və Dani Alves Alınıb: 0,55 mln. avroya «Baya»dan Satılıb: 35,5 mln. avroya «Barselona»ya Gəlir: 34,95 mln. avro Dani Alvesinsə transfer dəyəri «Sevilya»da olduğu zaman 64 dəfə artıb. Braziliyalı klubu tərk edərkən gözyaşını saxlaya bilmirdi: «Buraya bir oğlan kimi gəlmişdim, bir kişi, atak imi gedirəm. Bu gediş mənə çox ağrılıdı». 12. «Palermo» və Havyer Pastore Alınıb: 7 mln. avroya «Urakana»dan Satılıb: 42 mln. avroya PSJ-yə Gəlir: 35 mln. avro Vaxtilə «Urakana»nın dublunda oynayan və zirzəmidə yaşayan futboçu, vaxtı gəldi 35 milyon avroya şeyxlərə satıldı. 11. «Portu» və Halk Alınıb: 19 mln. avroya «Tokio Verde» və «Renistas»dan Satılıb: 55 mln. avroya «Zenit»ə Gəlir: 36 mln. avro «Portu» Halkı iki dəfəyə almışdı. 2008-ci ildə «Tokio Verde»yə 5,5 milyon avro ödənmişdi. Qalan haqlar isə Uruqvay «Renistas»ına və Argentina maliyyə şirkətinə məxsus idi. Bu hissəni də «Portu»dan 2011-ci ildə aldı. 2012-ci ildə isə Avropanın ən böyük transferi kimi «Zenit»ə qiymət oldu. 10. «Fiorentina» və Ruy Koşta Alınıb: 5,5 mln. avroya «Benfika»dan Satılıb: 42 mln. avroya «Milan»a Gəlir: 36,5 mln. avro 1994-cü ildə «Benfika»ya ödənilən 6 milyon o vaxt üçün çox böyük məbləğ sayılırdı. 7 ilə «Fiorentina»nın rəmzinə çevrilən futbolçu komandası iflas olun aşağı diviziona enərkən satıldı. Bu, indiyədək «Milan»ın ən böyük transferi sayılır. 9. «Portu» və Hames Rodriges Alınıb: 7,35 mln. avroya «Banfild»dən Satılıb: 45 mln. avroya «Monako»ya Gəlir: 37,65 mln. avro Hames Rodriges «Portu»un ən yeni transfer uğurudu. Portuqaliya klubu futbolçunu alandan bir il sonra ona 45 milyon avro satış dəyəri qoydu və bu şərtə bu yay «Monako»nun sahibi Dmitri Rıbalovtsev razılıq verdi. 8. «Latsio» və Pavel Nedved Alınıb: 3,5 mln. avroya «Sparta»dan Satılıb: 41,2 mln. avroya «Yuventus»a Gəlir: 37,7 mln. avro «Latsio» Skudettonu son dəfə Nedvedin liderliyi ilə qazanmışdı. 2001-ci ildə «Yuventus» «Real»a getmiş Zidanın yerini doldurmalı idi və bu məqsədlə çex üçün 40 milyon avrodan çox pul xərclədi. Futbolçu Turində Qızıl top da aldı və komandanı «Yuventus» «B» Seriyada oynayarkən də tərk etmədi. 7. «Portu» və Falkao Alınıb: 5,43 mln. avroya «River Pleyt»dən Satılıb: 47 mln. avroya «Atletiko»ya Gəlir: 41,57 mln. avro Falkao «Portu»nun ən sərfəli transferidi. 2009-cu ildə Cənubi Amerikanın ən perspektivli futbolçularından birini «Arsenal» və «Mançester Yunayted»lə rəqabətdə 5 milyon avrodan bir qədər artığa alan portuqaliyalılar buradakı 2 ilinə Avropa Liqası məhsuldarlıq rekordunu qıran futbolçuya çevirdi. «Atletiko»da tarixində cibini ən gen məhz bu futbolçu üçün açdı. 6. «İnter» və Zlatan İbrahimoviç Alınıb: 24,8 mln. avroya «Yuventus»dan Satılıb: 69,5 mln. avroya «Barselona»ya Gəlir: 44,7 mln. avro İbrahimoviçi futbol tarixinin ən bahalı futbolçusu saymaq olar. Klublar ona ümumilikdə 171 milyon avro xərcləyiblər. Futbolçu ilə ən sərfəli davranan isə 45 milyona qədər təmiz gəlir əldə edən «İnter» oldu. 5. «Parma» və Ernan Krespo Alınıb: 4 mln. avroya «River Pleyt»dən Satılıb: 55 mln. aroya «Latsio»ya Gəlir: 51 mln. avro Əsrlərin qovuşacağında İtaliyada böyük pullar fırlanırdı. «Parma»ya 14-qat gəlir gətirən futbolçu ümumilikdə ona xərclənən pullara görə yalnız ibrahimoviç və Anelkadan geri qalır. 4. «Milan» və Kaka Alınıb: 8,25 mln. avroya «Sao Paulo»dan Satılıb: 65 mln. avroya «Real»a Gəlir: 56,75 mln. avro 2003-cü ildə Leonardonun məsləhəti ilə Sao Paulodan gənc futbolçu alışı «Milan»a uğurlar da da çox yardımçı olmaqla yanaşı, böyük gəlir də gətirdi. Braziliyalı klubuna bir çox turniri qazanmağa kömək etdi və 2007-ci ildə planetin ən yaxşı futbolçusu oldu. 3. «Barselona» və Luiş Fiqu Alınıb: 2,5 mln. avroya «Sportinq»dən Satılıb: 60 mln. avroya «Real»a Gəlir: 57,5 mln. avro Planetin ən böyük futbol ulduzlarından biri «Barselona»ya cəmi 2,5 milyon avroya başa gəlmişdi. Onun rəqib düşərgəsinə – «Real»a satışı isə indiyədək futbol tarixinin ən qalmaqallı transferlərindən biri sayılır. 2. «Yuventus» və Zinədin Zidan Alınıb: 3,5 mln. avroya «Bordo»dan Satılıb: 73,5 mln. avroya «Real»a Gəlir: 70 mln. avro «Yuventus»un cəmisi 3,5 milyon avroya aldığı superulduz Turindəki 5 ili ərzində Fransanın milli qəhrəmanı səviyyəsinədək yüksəldi və iki dəfə dünyanın ən yaxşı futbolçusuna çevrildi. Bu da təbii ki, 21-qat artan qiymətə səbəb oldu. «Real» da 73,5 milyonu əbəs xərcləmədi və komandaya Çempionlar Liqası qazandıran futbolçu burada 3-cü dəfə dünyanın ən yaxşısı seçildi. 1. «Mançester Yunayted» və Kriştiano Ronaldo Alınıb: 17,5 mln. avroya «Sportinq»dən Satılıb: 94 mln. avroya «Real»a Gəlir: 76,5 mln. avro Futbol tarixinin ən bahalı transferi. Futbol tarixinin ən uğurlu transferi. Bütün bunlar Kriştianu Ronaldu haqqındadır. Aleks Ferqyuson futbolçu üçün 2003-cü ildə 18 milyona yaxın pul ödəyərkən risk edirdi. Ancaq kluba böyük gəlir gətirməklə yanaşı, Mançesterdə Ronaldo özünün hələlik yeganə Qızıl topunu qazanıb. |
|
Xəbər 1253 dəfə oxundu. |
|
|