Azərbaycan Respublikası Gənclər və İdman Nazirliyinin rəsmi orqanı
  Ana səhifə  |  Haqqımızda  Əlaqə
 
  

                        
logo-veb
30.10.2018 AGIN
2019-cu ilin idman təqvimi
 Xəbərlər
31/05 | 08:29 “Bavariya” Bundersliqada növbəti dəfə böyük hesabla qələbə qazanıb
30/05 | 20:47 Con Terri Premyer Liqanın ən yaxşı müdafiəçisi seçilib
30/05 | 16:36 Kriştiano Ronaldo dünyada ən çox qazanan futbolçudur
30/05 | 16:02 “Neftçi” və “Qarabağ” klubları ölkə çempionatlarında 100-dən çox böyük hesablı qələbə qazanıblar
30/05 | 15:44 İngiltərə Premyer Liqasının tarixində ən çox qol vuran komandanın adı açıqlanıb
30/05 | 13:12 Həyata "İdman"dan pərvazlanan ustad tərcüməçi
30/05 | 10:20 Tomas Müller - 250: Almaniya çempionatında yeni rekorda doğru
30/05 | 09:45 Toto Volf “Mercedes”in rəhbəri vəzifəsindən istefa verə bilər
30/05 | 09:22 “Liverpul” Timo Vernerin transferini bitirmək üzrədir
30/05 | 09:01 Respublika Gününə həsr olunmuş onlayn şahmat turniri
30/05 | 08:38 Azərbaycan Premyer Liqasının bərpası məsələsi müzakirə olunacaq
30/05 | 07:03 “Real” Azərbaycan millisinin sabiq müdafiəçisi ilə müqaviləni yeniləyib
29/05 | 14:40 Avropa çempionatının ən güclü E qrupunda 30 şahmatçımız mübarizə aparacaq
29/05 | 10:04 Beynəlxalq “İpək yolu kuboku” turnirinin qalibi Azərbaycan şahmatçısı Rauf Məmmədov olub
29/05 | 09:29 “Bilik və birlik” devizi altında biznes-simulyasiya yarışı təşkil olunub
29/05 | 08:33 Azər Həsənsoy “WBC Muay-tay” təşkilatının ölkəmizdəki nümayəndəsi seçilib
28/05 | 18:36 “Nyukasl Yunayted” Filippe Koutinyonu transfer edə bilər
28/05 | 15:02 Braziliyalı Villian “Atletiko Madrid”in hədəfində
28/05 | 14:22 BOK və ÜST arasında yeni əməkdaşlıq sazişi imzalanıb
28/05 | 10:34 Futbol üzrə qadınlardan ibarət milli komandamızın oyunlarının vaxtı açıqlanıb
28/05 | 09:56 Azərbaycan şahmatçıları Avropa çempionatının qızıl və gümüş medallarını qazanıblar
28/05 | 08:42 Dünya Badminton Federasiyası "Tokio-2020" olimpiadasının yenilənmiş təsnifat sistemini açıqlayıb
27/05 | 15:02 Stiven Jozef-Monroz "Neftçi"dən ayrıla bilər
27/05 | 12:59 “İpək yolu kuboku” turnirinin ilk 7 turunun oyunları keçirilib
27/05 | 11:40 Mariya Stadnik İradə Aşumovaya çata biləcəkmi?
27/05 | 09:35 Deymon Hill: Valtteri Bottas “Mersedes”ə layiq pilot deyil
27/05 | 09:19 Ukrayna hökuməti ölkədə futbol matçlarının bərpasına icazə verib
27/05 | 08:45 Almaniya Bundersliqasının 28-ci turun mərkəzi qarşılaşması minimal hesabla başa çatıb
26/05 | 16:17 FIBA milli federasiyalara pandemiyadan sonra yarışların bərpası ilə bağlı tövsiyə xarakterli məlumat dərc edib
26/05 | 15:55 Zlatan İbrahimoviç məşq zamanı zədələnib
26/05 | 15:23 Duqlas Kosta zədə səbəbindən karyerasını başa vura bilər
26/05 | 14:42 Zidan Çempionlar Liqası tarixində ən yaxşı baş məşqçi seçilib
26/05 | 13:51 Respublika Gününə həsr olunmuş onlayn şahmat turniri keçiriləcək
26/05 | 13:31 Fiqurlu konkisürmə üzrə Kanadada keçirilməli olan Qran-Pri ləğv edilib
26/05 | 10:20 Azərbaycan və Gürcüstan şahmatçılarının iştirakı ilə blits üzrə “İpək Yolu Kuboku” turniri start götürür
Digər xəbərlər 
 Topaz Premyer Liqası
N: Komandalar O Q H M T X
1 Qarabağ 20 13 6 1 34-7 45
2 Neftçi 20 10 7 3 33-14 37
3 Keşlə 20 8 6 6 27-21 30
4 Sumqayıt 20 6 5 9 24-32 23
5 Zirə 20 6 6 9 25-37 23
6 Sabah 20 5 6 9 19-27 21
7 Səbail 20 5 5 10 16-30 20
8 Qəbələ 20 5 4 11 25-35 19
Quba şəhərində Olimpiya İdman Kompleksinin açılış mərasimində Azərbaycan Respubikası Milli Olimpiya Komitəsinin prezidenti İlham Əliyevin çıxışı
Tarix: 11.10.2003 | Saat: 17:41:00 | E-mail | Çapa göndər
- Əziz qubalılar!
- Əziz qusarlılar!
- Əziz xaçmazlılar!
Mən sizin hamınızı salamlayıram, bu görüşə gəldiyinizə görə sizə öz təşəkkürümü bildirmək istəyirəm. Sizin hamınızı burada istifadəyə verilmiş gözəl Olimpiya idman kompleksinin açılışı münasibətilə ürəkdən təbrik edirəm.
Mən bu gün kompleksin açılışında bizimlə bərabər iştirak edən qardaş Dağıstandan gəlmiş dostlarımızı - hörmətli Səid Camaloviç Qurbanovu və hörmətli Qurban Qurbanovu salamlamaq istəyirəm. Siz Azərbaycana xoş gəlmisiniz! Səid Camaloviç möhtərəm cənab prezidentimizin köhnə, çox etibarlı dostudur. Onlar 40 ildən çoxdur ki, dostluq edirlər, bir-biriləri ilə əlaqə saxlayırlar. Dəfələrlə görüşmüşlər, bütün məsələləri müzakirə etmişlər və əlbəttə ki, Azərbaycanla Dağıstan arasında, Azərbaycanla Rusiya arasında olan mehriban dostluq münasibətlərinin qurulmasında da onların müstəsna xidmətləri vardır. Fürsətdən istifadə edərək, bu işdə göstərdiyi xidmətlərə görə hörmətli Səid Camaloviçə öz təşəkkürümü bildirmək istəyirəm. Sağ olun.
Dağıstan və Azərbaycan xalqları daim birlikdə olublar, bir-birilərinə daim kömək ediblər. Bu, bütün dövrlərdə belə olubdur. Keçmiş dövrlərdə, - burada Qurban müəllim dedi ki, - Dağıstan xalqları üçün ən çətin dövr olan Böyük Vətən müharibəsi zamanı mənim babam Əziz Əliyev Dağıstana rəhbərlik edərkən böyük xidmətlər göstərib və mən dağıstanlılara minnətdaram ki, onun xidmətlərini unutmayıblar. Biz bütün dövrlərdə qardaş olmuşuq. Çox şadam ki, Azərbaycan, Rusiya müstəqil dövlət olandan sonra bu əlaqələr davam edir, genişlənir, güclənir. Əlbəttə ki, bu işdə Dağıstan Respublikası Dövlət Şurasının sədri hörmətli Məhəmmədəli Məhəmmədovun böyük xidmətləri var. Bizim cənab prezidentimiz və Məhəmmədəli müəllim daim ünsiyyət saxlayaraq, bütün məsələləri operativ şəkildə həll edirdilər. Bu fürsətdən istifadə edərək, mən Dağıstandan gələn nümayəndələrdən xahiş etmək istəyirəm ki, cənab Məhəmmədəli Məhəmmədova bizim ən xoş arzularımızı, səmimi salamlarımızı çatdırsınlar.
Bu gün Azərbaycanın idman həyatında çox əlamətdar bir gündür, Quba şəhərində yeni müasir Olimpiya idman kompleksi istifadəyə verilir. Bu, Azərbaycanda son illər ərzində bu istiqamətdə aparılan işlərin məntiqi davamıdır. Bilirsiniz ki, Milli Olimpiya Komitəsinin təşəbbüsü ilə Azərbaycanın müxtəlif bölgələrində olimpiya kompleksləri tikilmişdir. Onların bir neçəsi son on gün ərzində istifadəyə verilmişdir. İndi isə Qubada tikilib istifadəyə verilmiş kompleksi də biz bu gün sizinlə bərabər açırıq. Bunlar nəinki idmanın, ümumiyyətlə, Azərbaycanın hərtərəfli inkişafı üçün çox mühüm işlərdir. Belə komplekslərin yaradılması gənclərimizi idmana daha da yaxınlaşdıracaqdır. İdmanla məşğul olmaq üçün gözəl şərait yaradılacaqdır. Bizim məqsədimiz budur. İstəyirik ki, Azərbaycanın hər bir uşağı, gənci idmanla məşğul olsun. Məşğul olmaq üçün də biz gözəl şərait yaradırıq və görürük ki, uşaqların idman bölmələrinə axını daha da sürətlənir. Gələcəkdə Azərbaycanda idman daha da kütləvi xarakter alacaqdır.
Mən dəfələrlə bəyan etmişəm və bu gün bir daha bildirirəm - Milli Olimpiya Komitəsinin əsas vəzifəsi budur ki, Azərbaycanda sağlam gənc nəsil yetişsin, sağlam gənclərimiz olsun. Bu istiqamətdə işlərimiz davam edəcəkdir.
Heç kəs üçün sirr deyil ki, idman hər bir ölkənin ictimai həyatında da mühüm rol oynayır, ölkəni tanıdır, xaricdə təqdim edir. Elə ölkələr var ki, onlar ancaq idmanda əldə olunan nəticələrə görə dünyada tanınırlar. Amma Azərbaycan dünyada həm də öz qədim tarixi, mədəni irsi, nailiyyətləri ilə tanınır. Öz lideri Heydər Əliyev ilə tanınır. O cümlədən, idmançılarımız da Azərbaycanı dünyada tanıdırlar. İdmançılarımızın beynəlxalq yarışlarda, dünya və Avropa çempionatlarında, Olimpiya oyunlarında qazandıqları yüksək nəticələr, əlbəttə, hər bir Azərbaycan vətəndaşını, o cümlədən Milli Olimpiya Komitəsinin prezidenti kimi məni də çox sevindirir.
Bu kompleks bir neçə vəzifəyə xidmət edəcəkdir. Bu, çox möhtəşəm bir kompleksdir. Burada həm qapalı idman salonu, qapalı hovuz, stadion, idman meydançaları, otel, kotteclər, digər infrastruktur yaradılıbdır. Yəni bu kompleks, eyni zamanda, bu bölgədə turizmin inkişafına xidmət göstərəcəkdir. Mən bilirəm ki, turizm baxımından bu bölgə, bu zona, xüsusilə, Quba şəhəri, rayonu çox məqbul bir yerdir. Buranın çox gözəl təbiəti var. Əgər bu bölgədə turizmin inkişafına nail ola bilsək, əlbəttə ki, bu, həm rayonun sosial-iqtisadi vəziyyətinə müsbət təsir göstərəcək, həm də yeni iş yerlərinin açılmasına gətirib çıxaracaqdır. Bizim məqsədimiz budur. Mən əminəm ki, gələcəkdə bu kompleks beynəlxalq mərkəz şəklini alacaqdır.
Baxmayaraq ki, kompleks yenicə açılır, amma mənə verilən məlumata görə, artıq müxtəlif ölkələrdən sifarişlər daxil olmağa başlayıbdır: həm idmançılar burada təlim-məşq toplantıları keçirmək istəyirlər, həm də burada istirahət etməyi arzulayan insanlar sifarişlərini göndərirlər. Görərsiniz, bu kompleks işə başlayandan sonra turistlərin, xarici ölkələrin nümayəndələri buraya gəlməyə başlayandan sonra, əlbəttə ki, rayonun bütün infrastrukturu bundan xeyir götürəcəkdir. Amma biz istəyirik ki, bu kompleksdən ilk növbədə yerli idmançılar, uşaqlar, gənclər çox səmərəli istifadə etsinlər. Əminəm ki, belə də olacaqdır. Heç kəs üçün sirr deyil ki, idman Azərbaycanda sürətlə inkişaf edir və respublikamız artıq aparıcı idman ölkələrinin birinə çevrilibdir. İdmanın inkişafı üçün ən mühüm amil odur ki, ölkədə sabitlik, inkişaf olsun. Bu sabitliyi Azərbaycana Heydər Əliyev siyasəti veribdir.
Müstəqillik əldə edildikdən sonra Azərbaycan çox böyük çətinliklərlə üzləşmişdi. Azərbaycana rəhbərlik edənlərin səriştəsizliyi nəticəsində ölkəmiz dağılırdı. Xalqın tələbi ilə Heydər Əliyev rəhbərliyə gələndən sonra Azərbaycanda iqtisadi böhrana son qoyuldu və inkişaf başladı. Çox qısa müddətdə bu inkişaf bütün sahələrdə özünü açıq-aydın göstərdi.
Bu bölgənin inkişafı üçün tədbirlər planı hazırlanır. Tədbirlər planının tərkib hissəsi olaraq, yerli istehsal sahələrinin yaradılması nəzərdə tutulubdur. Bu yaxınlarda mən Xaçmaz rayonunda yeni, müasir standartlara uyğun şəkildə tikilmiş konserv zavodunun açılışında iştirak etmişdim. Bu gün buraya gələrkən Qubada bir neçə ildir ki, fəaliyyət göstərən konserv zavoduna baş çəkdim. Orada istehsal edilən məhsullarla tanış oldum və çox sevindim ki, Azərbaycanın mərkəzində yox, onun bölgələrində ən müasir müəssisələr tikilmişdir. Bu onu göstərir ki, Heydər Əliyev siyasəti Azərbaycana artıq böyük xeyirlər verir. Bizim hamımızın məqsədi ondan ibarət olmalıdır ki, bu siyasət Azərbaycanda davam etdirilsin. Azərbaycan xalqı imkan verməməlidir ki, 1992-1993-cü illərdə iqtisadiyyatını dağıdan, təbii sərvətlərini talayan, ölkəmizdə vətəndaş müharibəsini başlayan, qardaş qanı tökən insanlar yenidən hakimiyyətə gəlsinlər. Bu, Azərbaycan xalqı, dövlətçiliyi, müstəqilliyi üçün böyük faciə ilə nəticələnə bilər. Azərbaycan xalqı bunu çox gözəl dərk edir. Çünki heç nə və heç kim unudulmayıbdır. O qara günləri heç kəs bir də yaşamaq istəmir.
Biz gələcək haqqında, gələcək nəsillər barədə düşünməliyik. Azərbaycanı daha da möhkəmləndirməliyik. Azərbaycan hər cəhətdən qüdrətli dövlətə çevrilməlidir və çevriləcəkdir. Bunu etmək üçün yeganə vasitə odur ki, Azərbaycanda Heydər Əliyevin siyasəti davam etdirilsin. Mən əminəm ki, həmişə olduğu kimi, yenə də Azərbaycan xalqı bu siyasəti dəstəkləyəcək və Heydər Əliyev siyasətinə səs verəcəkdir.
Mən son günlər ərzində Azərbaycanın, demək olar ki, bütün bölgələrinə getmişəm, vəziyyətlə tanış olmuşam. Əlbəttə, mənim arzum vardı ki, seçkilərə qədər Azərbaycanın hər bir rayonuna gedim. Lakin vaxt azlığından buna imkan olmadı. Amma o yerlərə ki getməmişəm, söz verirəm, seçkilərdən sonra həmin rayonlara gedəcəyəm. Yəni, qoy o rayonların camaatı məndən inciməsin, mən onlara da diqqət göstərəcəyəm. Sadəcə, vaxt azlığından gedə bilməmişəm. Azərbaycanın hər bir bölgəsi, yeri, rayonu mənim üçün əzizdir və doğmadır. Bu, Heydər Əliyevin siyasətidir, mən də bu siyasəti davam etdirəcəyəm.
Azərbaycanda sosial məsələlər öz həllini tarır. Bu istiqamətdə böyük işlər görülmüşdür. Maaşlar, pensiyalar artırılır, yeni məktəblər tikilir, xəstəxanalar istifadəyə verilir. Bu proses davam edəcəkdir.
Ölkəmizin iqtisadi potensialı güclənibdir. Heydər Əliyevin neft strategiyasının həyata keçirilməsi nəticəsində Azərbaycanda güclü potensial yaranıbdır. Bu potensial gələcəkdə daha da güclənəcəkdir. Bu, Bakı-Tbilisi-Ceyhan neft kəməri istismara veriləndən sonra baş verəcək, Azərbaycana daha böyük həcmdə vəsait daxil olacaqdır. İnsanlarımız daha da yaxşı yaşayacaqlar. Yeni iş yerləri açılacaqdır. İş yerlərinin açılması öncül məsələdir, buna böyük diqqət göstərilir. Son on gün ərzində bir neçə min iş yerinin açılması ilə əlaqədar mən müəyyən bölgələrdə tədbirlərdə olmuşam, yeni zavodların, fabriklərin açılışında iştirak etmişəm. Vaxtilə işləyən, sonradan fəaliyyəti dayanmış müəssisələrin bərpa olunması prosesini müşahidə etmişəm. Görürəm ki, Azərbaycanda iş yerlərinin açılması istiqamətində böyük tədbirlər görülüb və gələcəkdə də görüləcəkdir. Bunu etmək üçün, əlbəttə, sərmayə qoyulmalıdır. Bax, bu kompleksin, konserv zavodunun, digər infrastruktur obyektlərinin tikintisinə sərmayə qoyulubdur. Sərmayə o yerə qoyulur ki, sərmayədar orada özünü rahat hiss edir. O bilir ki, qoyduğu sərmayəyə gələcəkdə heç kəs göz dikməyəcəkdir. Əlbəttə ki, Azərbaycanda mövcud olan vəziyyət, sabitlik sərmayədarları daha da ruhlandırır. Ən önəmlisi budur ki, əgər onlarda gələcəyə inam olmasaydı, şübhəsiz, öz vəsaitlərini risk altında qoymazdılar, Azərbaycana sərmayə sərf etməzdilər.
Çox sevinirəm ki, sərmayələr qeyri-neft sektoruna qoyulur. Biz neft sektoruna sərmayə qoyuluşunu təmin etmişik. 1994-cü ildən bu işlə məşğuluq, nəticələr də göz qabağındadır. Qeyri-neft sektorunun inkişafı üçün, əlbəttə ki, buraya da sərmayə qoyulmalıdır. Biz Azərbaycana sərmayə gətirilməsi istiqamətində fəaliyyətimizi bundan sonra da davam etdirəcəyik.
Mən də sərmayədarların fikrinə şərikəm, mən də Azərbaycanın gələcəyinə inanıram. Mən də əminəm ki, Azərbaycanda bu sabitlik, ictimai-siyasi asayiş qorunacaq, ölkəmiz inkişaf edəcəkdir. Çünki Azərbaycan xalqının tələbi bundan ibarətdir. Əminəm ki, xalqımızın böyük əksəriyyəti oktyabrın 15-də öz seçimini edəcəkdir, Heydər Əliyev siyasətinə səs verəcəkdir. Azərbaycan xalqı Heydər Əliyev siyasətinə səs verməklə sabitliyə, sülhə, əmin-amanlığa, iqtisadi inkişafa, ölkəmizin gələcəyinə səs vermiş olacaqdır. Bizim hamımız istəyirik ki, Azərbaycan qüdrətli, zəngin dövlətə çevrilsin. Bunu etmək üçün bizdə bütün imkanlar, zəngin təbii sərvətlər var və bu sərvətlərdən indi səmərəli istifadə olunur. Azərbaycanın çox güclü insan potensialı var, peşəkar mütəxəssislər var və Azərbaycan rəhbərliyində qarşıda duran bütün məsələləri həll etmək üçün möhkəm iradə var. Biz xalqla birlikdə Azərbaycanı inkişaf etdirəcəyik, ölkəmizi zəngin, qüdrətli dövlətə çevirəcəyik.
Əziz bacılar və qardaşlar!
Əziz qubalılar!
Əziz xaçmazlılar!
Əziz qusarlılar!
Bu mərasimə gəldiyinizə görə, hamınıza öz təşəkkürümü bildirmək istəyirəm və sizi əmin edirəm ki, mən Heydər Əliyevin siyasi xəttinə sadiq olacağam. Heç bir qüvvə məni bu yoldan döndərə bilməz.
Yaşasın Heydər Əliyev!
Yaşasın müstəqil Azərbaycan!
Mən çıxışımın əvvəlində Dağıstandan gəlmiş qardaşlarımızı hörmətli Səid Camaloviçi, Qurban müəllimi salamladım. Bu gün bu tədbirdə Dağıstanın hörmətli rəhbəri, Dövlət Şurasının sədri Məhəmmədəli Məhəmmədovun oğlu iştirak edir, mən onu da salamlayıram.

11 oktyabr 2003-cü il
Xəbər 1831 dəfə oxundu



 
Bölməyə aid digər xəbərlər
13.10.2003 Milli Olimpiya Komitəsi İcraiyyə Komitəsinin iclasında MOK prezidenti İlham Əliyevin çıxışı
10.10.2003 Bakı şəhərində Taekvondo İdman Mərkəzinin açılış mərasimində Azərbaycan Respubikası Milli Olimpiya Komitəsinin prezidenti İlham Əliyevin çıxışı
09.10.2003 Lənkəran şəhərində Olimpiya İdman Kompleksinin açılış mərasimində Azərbaycan Respubikası Milli Olimpiya Komitəsinin prezidenti İlham Əliyevin nitqi
08.10.2003 Bakı şəhərində Atıcılıq Stendinin açılış mərasimində Azərbaycan Respubikası Milli Olimpiya Komitəsinin prezidenti İlham Əliyevin çıxışı
07.10.2003 Bərdə şəhərində Olimpiya İdman Kompleksinin açılış mərasimində Azərbaycan Respubikası Milli Olimpiya Komitəsinin prezidenti İlham Əliyevin çıxışı
05.09.2003 “Professor Əziz Əliyev” tankerinin istismara verilməsi və Yaxt-klubun təntənəli açılış mərasimində Azərbaycan Respubikası Milli Olimpiya Komitəsinin prezidenti İlham Əliyevin nitqi
27.12.2002 Milli Olimpiya Komitəsi İcraiyyə Komitəsinin 2002-ci ilin yekunlarına həsr olunmuş iclasında MOK prezidenti İlham Əliyevin nitqi
09.11.2002 Şəki şəhərində Olimpiya İdman Kompleksinin açılış mərasimində Azərbaycan Respubikası Milli Olimpiya Komitəsinin prezidenti İlham Əliyevin nitqi
11.10.2002 Azərbaycan Respublikası Milli Olimpiya Komitəsinin yaradılmasının onillik yubiley mərasimində Azərbaycan Respubikası Milli Olimpiya Komitəsinin prezidenti İlham Əliyevin nməruzəsi
12.09.2002 Gəncə şəhərində Olimpiya İdman Kompleksinin açılış mərasimində Azərbaycan Respubikası Milli Olimpiya Komitəsinin prezidenti İlham Əliyevin nitqi


  Arxiv
Tarixləri seç: 
 dən 
Fotogalereya
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
Müəllif yazıları
Qabil Mehdiyev
qabil-so@mail.ru
Mənim “İdman” sevgim
BATI YAR
batyyar@mail.ru
Koronavirus hər şeyi məhv edir, yoxsa mehvərinə, özünə və məğzinə qaytarır
Leyla Qurbanova
leyla-6565@mail.ru
Bakı şəhər trasını seçməyin 5 səbəbi
Əli Fərəcov
alfaraj@mail.ru
Arzulara sədd yoxdur
Vüqar Məmmədov
vuqar-inqilaboqlu@mail.ru
Donmuş reytinqin ön sıraları haqqında fərqli düşüncələr
Aynurə Aşırova
aynure.penah-2015@mail.ru
Formula 1 maliyyə böhranından üzüağ çıxa biləcəkmi ?
Aylıq bületenlərimiz
son sayımız əvvəlki sayımız
İdman qurğuları
Partnyorlar
Sayt Mozilla Firefox, Opera və Internet Explorer ilə tam dəstəklənir.
© 2011İDMAN. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
Designed by V.Aliyev
Ünvan: Mətbuat prospekti, 529-cu məhəllə, 8-ci mərtəbə
İndex: AZ 1073;
Tel: (+99412) 434-57-32, (+99412) 510-53-10
Fax: (+99412) 510-53-10
E-mail: idman-sport@mail.ru