Ana səhifə  |  Haqqımızda  Əlaqə
 
  

                        
logo-veb
 Xəbərlər
28/03 | 11:06 Azərbaycanın daha 4 boksçusu Bakıdakı beynəlxalq turnirin finalına vəsiqə qazanıb
27/03 | 17:44 Azərbaycanın qadınlardan ibarət boks millisi Bakıdakı beynəlxalq turniri 9 medalla başa vurub
27/03 | 14:40 Azərbaycanın 5 ağırlıqqaldıranı Dünya Kubokunda çıxış edəcək
27/03 | 10:41 Minifutbol çempionatı: “Zirə” növbəti qələbəsini qazanıb
27/03 | 09:59 Azərbaycanın 2 boksçusu "Böyük İpək Yolu"nda bürünc medal qazanıb
26/03 | 22:36 Azərbaycan Kuboku: "Neftçi" qrup lideri kimi yarımfinala yüksəlib
26/03 | 16:40 Azərbaycanın iki qadın boksçusu Bakıdakı turnirdə finala vəsiqə qazanıb
26/03 | 15:39 Azərbaycan avarçəkəni İtaliyadakı turnirdə gümüş medal qazanıb
26/03 | 10:36 AVRO-2024-ə vəsiqə qazanacaq sonuncu komandalar müəyyənləşəcək
26/03 | 09:37 Azərbaycanın U-21 millisi bu gün Ukraynanı qəbul edəcək
25/03 | 22:00 Azərbaycan millisi Bolqarıstan yığması ilə heç-heçə edib
25/03 | 14:21 Azərbaycanın bədii gimnastı Qazaxıstanda bürünc medal qazanıb
25/03 | 13:32 Azərbaycanın daha bir gimnastı Yay Olimpiya Oyunlarına lisenziya qazanıb
25/03 | 11:43 Azərbaycan voleybol çempionatı: XVIII turun proqramı açıqlanıb
25/03 | 10:24 Azərbaycanın üç boksçusu Bakıdakı turnirə qələbə ilə başlayıb
24/03 | 20:25 Azərbaycan cüdoçuları "Böyük Dəbilqə"ni 4 medalla başa vurublar
24/03 | 17:26 Azərbaycan gimnastları Portuqaliyada gümüş medal qazanıblar
24/03 | 15:57 Bakıda "Böyük İpək Yolu" turnirinin açılış mərasimi keçirilib
24/03 | 13:19 Azərbaycanın basketbol millisi Gürcüstanda daha iki qələbə qazanıb
24/03 | 10:31 Azərbaycanın daha bir atıcısı Almaniyada beynəlxalq turnirdə qızıl medal qazanıb
23/03 | 20:42 Azərbaycan atıcısı Almaniyada beynəlxalq turnirdə qızıl medal qazanıb
23/03 | 16:34 Bakıda 11 ölkənin iştirakı ilə “Böyük İpək Yolu” turniri keçiriləcək
23/03 | 14:55 Azərbaycan gimnastları Qazaxıstanda keçirilən turnirdə 6 medal qazanıblar
22/03 | 19:37 “Böyük Dəbilqə”: Azərbaycan cüdoçuları ilk gündə 2 medal qazanıblar
22/03 | 11:27 Azərbaycan tamblinq millisi beynəlxalq turnirdə birinci yeri tutub
22/03 | 11:15 Göygöldə həndbol üzrə Azərbaycan birinciliyinin zona yarışlarına start verilib
22/03 | 10:59 Azərbaycan paraatletika millisi Qran-pridə çıxış edəcək
22/03 | 10:11 Azərbaycanın U-21 yığması bu gün İngiltərə ilə qarşılaşacaq
22/03 | 09:37 Azərbaycan futbol millisi bu gün Monqolustanla üz-üzə gələcək
21/03 | 21:34 "Qarabağ"ın U-14 komandası Minskdə keçirilən turnirdə çempion olub
21/03 | 18:38 Fərid Fərhadzadə Madriddə Dünya Triatlon İttifaqının rəsmiləri ilə görüşüb
21/03 | 17:29 Azərbaycan stolüstü tennisçiləri Ankarada beynəlxalq toplanışa qatılıblar
21/03 | 14:31 Azərbaycan Premyer Liqasında XXIX və XXX turun proqramı açıqlanıb
21/03 | 13:30 Bədii gimnastika üzrə 29-cu Azərbaycan çempionatının açılış mərasimi keçirilib
21/03 | 13:28 Azərbaycan gimnastları beynəlxalq turnirdə finala yüksəliblər
Digər xəbərlər 
 Millətlər Liqası. C divizionu. “C” qrupu
N: Komandalar O Q H M T/F X
1 Belçika 6 5 1 0 16-3 16
2 Avstriya 7 5 1 1 15-7 16
3 İsveçrə 5 2 0 3 11-8 6
4 Azərbaycan 6 1 1 4 4-12 4
5 Estoniya 6 0 1 5 2-18 1
 Premyer Liqa. Turnir cədvəli
N: Komandalar O Q H M T/F X
1 Qarabağ 27 21 3 3 71-23 66
2 Sabah 27 11 7 9 39-32 40
3 Neftçi 27 11 7 9 34-29 40
4 Zirə 27 10 9 8 21-18 39
5 Sumqayıt 27 10 9 8 26-32 39
6 Səbail 27 10 7 10 39-41 37
7 Turan Tovuz 27 9 8 10 41-38 35
8 Araz-Naxçıvan 27 8 8 11 27-36 32
9 Kəpəz 27 7 6 14 29-47 27
10 Qəbələ 27 4 4 19 20-51 16
XXVIII Yay Olimpiya Oyunlarında iştirak edəcək Azərbaycan idmançılarının yolasalma mərasimində Azərbaycan Respubikasının Prezidenti İlham Əliyevin nitqi
Tarix: 04.08.2004 | Saat: 11:41:00 | E-mail | Çapa göndər
- Əziz idmançılar, məşqçilər, idman mütəxəssisləri!
- Hörmətli xanımlar və cənablar!
Üçüncü dəfədir ki, idmançılarımızın Olimpiya oyunlarına yolasalma mərasimi keçirilir. Burada qeyd olundu ki, bu ənənəni xalqımızın ümummilli lideri Heydər Əliyev qoymuşdur və ilk dəfə 1996-cı ildə bu mərasim məhz bu salonda keçirilmişdir. Mən o günü çox yaxşı xatırlayıram. Çünki o mərasimdə iştirak edirdim və bu gün də buraya gələrkən fikirləşirdim ki, ilk dəfə bir idman azarkeşi, həvəskarı kimi həmin mərasimdə iştirak etmişdim. İkinci dəfə Milli Olimpiya Komitəsinin prezidenti kimi iştirak etmişəm, üçüncü dəfə isə Azərbaycan Respublikasının Prezidenti kimi iştirak edirəm.
Mən o günü çox yaxşı xatırlayıram. Çünki hesab edirəm ki, Azərbaycanın idman sahəsində əldə edilən uğurlarının təməli məhz o illərdə qoyulmuşdur. Bilirsiniz ki, Azərbaycan 1993-cü ilə qədər çox ağır, çətin vəziyyətdə yaşayırdı. Xalqımızın lideri Heydər Əliyevin Azərbaycanda hakimiyyətə qayıdışından sonra ölkədə bütün istiqamətlərdə müsbət proseslər getməyə başladı. Baxmayaraq ki, o zaman - 1990-cı illərin ilk yarısında Azərbaycanın iqtisadi vəziyyəti çox çətin idi, amma idmana xüsusi diqqət göstərilirdi. 1994-cü ildə Gənclər və İdman Nazirliyi yaradılmışdı və xalqımızın ümummilli lideri Heydər Əliyev tərəfindən ümumiyyətlə, Olimpiya Hərəkatına, idmanın inkişafına böyük diqqət daim göstərilirdi. Məhz bunun nəticəsində Azərbaycanda son illər ərzində idmanda uğurlar əldə olundu, idmançılarımız müxtəlif yarışlarda ölkəmizi çox ləyaqətlə təmsil etməyə başladılar. Azərbaycanın idman şöhrətini ucaltdılar.
Bu gün Azərbaycan idmançıları hər il beynəlxalq yarışlarda - Avropa, dünya çempionatlarında və digər mötəbər yarışlarda çoxlu qızıl, gümüş, bürünc medallar qazanırlar.
Sidney Olimpiya oyunlarında idmançılarımız çox uğurla çıxış etdilər. Bildiyiniz kimi, 2 qızıl, 1 bürünc medal qazandılar. Eyni zamanda, digər idmançılar da yüksək yerləri tuta bildilər. Sidney Olimpiadasından bu günə qədər keçən dövr ərzində Azərbaycan idmanı daha da sürətlə inkişaf etdi. Əgər Sidney Olimpiya oyunlarında idmançılarımızın arasında dünya, olimpiya çempionu yox idisə, Afina Olimpiya oyunlarında Azərbaycanı iki olimpiya çempionu və dörd dünya çempionu təmsil edəcəkdir. Zemfira Meftahəddinova və Namiq Abdullayev olimpiya çempionları, Nizami Paşayev, Niyaməddin Paşayev, Ağası Məmmədov və Arif Abdullayev dünya çempionları kimi Azərbaycanı təmsil edəcəklər.
Bu fakt özlüyündə çox şey deyir. Onu göstərir ki, Azərbaycanda idman sahəsində gedən işlər öz nəticələrini vermişdir. Azərbaycan idmanı dünyada layiqli yerini tuta bilibdir. Təsadüfi deyil ki, Beynəlxalq Olimpiya Komitəsinin prezidenti çıxışlarının birində Azərbaycan Milli Olimpiya Komitəsinin fəaliyyətini digər olimpiya komitələri üçün nümunə adlandırmışdır. Bundan yüksək qiymət ola bilməz. Həqiqətən, Azərbaycanda, ümumiyyətlə, idman və olimpiya hərəkatı uğurla inkişaf edir. Milli Olimpiya Komitəsi, Gənclər, İdman və Turizm Nazirliyi, müvafiq federasiyalar, idman cəmiyyətləri vahid bir komanda, vahid bir ailə kimi fəaliyyət göstərirlər.
Mən yeddi ildir Milli Olimpiya Komitəsinin prezidentiyəm və bütün beynəlxalq tədbirlərdə iştirak etmişəm, çoxlu görüşlər keçirmişəm. Deyə bilərəm ki, ölkələrin əksəriyyətində idmanla məşğul olan qurumların arasında sağlam əməkdaşlıq çox nadir hallarda olur. Əksəriyyətində bu qurumlar arasında toqquşmalar da, ziddiyyətlər də olur. Azərbaycanda bunların heç biri yoxdur. Bu da idmanın uğurla inkişaf etməsində mühüm rol oynayır.
Mən Olimpiya Komitəsinin prezidenti seçildikdən sonra İcraiyyə Komitəsinin ilk toplantısında demişdim ki, biz, idmana rəhbərlik edən şəxslər gərək idmançıların bütün məsələləri ilə məşğul olaq, onlara idmanla məşğul olmaq, beynəlxalq yarışlarda iştirak etmək üçün şərait yaradaq. İdmançılar isə, öz növbələrində, nəticələri ilə gərək xalqımızı, vətənimizi sevindirsinlər. Hesab edirəm ki, bu əməkdaşlıq, görülən işlər uğurlarımızın əsas səbəbidir.
Son dörd il ərzində Azərbaycan beynəlxalq yarışlarda çox uğurla iştirak edibdir. İdmançılarımız beynəlxalq turnirlərdə, Avropa, dünya çempionatlarında qələbələr qazanmışlar. Azərbaycanda bir neçə beynəlxalq səviyyəli mötəbər yarış keçirilmişdir. Azərbaycan həqiqi mənada idman dövlətinə, ölkəsinə çevrilmişdir. Azərbaycanda yeni gənc nəsil yetişmişdir. Biz yeniyetmələrin hazırlığına böyük diqqət göstəririk. Əgər yeniyetmə idmanı olmasa, ümumiyyətlə, ölkədə idman inkişaf edə bilməz.
Biz Sidney Olimpiya oyunlarında komandamızın tərkibinə baxırdıq. Görürdük ki, orada dəvət olunmuş idmançıların sayı kifayət qədər çox idi. Bu dəfə komandamızda, demək olar ki, dəvət olunmuş idmançılar yoxdur. Azərbaycanı təmsil edəcək gənclər Azərbaycanda təhsil almış, Azərbaycanda bütün mərhələləri keçmiş idmançılardır. Əlbəttə, çox sevindirici haldır ki, Sidneydə Azərbaycanı 31 idmançı təmsil etdiyi halda, bu dəfə 38 idmançı təmsil edəcəkdir. Hamımız yaxşı bilirik ki, komandamız çox güclüdür və çox gözəl imkanları var. Mən şübhə etmirəm ki, idmançılarımız Afinada çox uğurla çıxış edəcəklər.
Fəaliyyətimizin digər istiqaməti idmançılara şərait yaratmaqdan ibarət olmuşdur. Mən 2000-ci ildə bəyan etmişdim ki, Azərbaycanda Milli Olimpiya Komitəsi çox geniş proqram həyata keçirəcəkdir. Azərbaycanın müxtəlif bölgələrində yeni idman qurğuları tikilməsi istiqamətində böyük işlər aparılacaqdır. Gördüyünüz kimi, biz bu sözə də əməl etdik. 2000-ci ildən 2004-cü ilədək Azərbaycanda 8 yeni olimpiya kompleksi ən yüksək səviyyədə tikilib istifadəyə verilmişdir. İndi idmançılarımız bu komplekslərdən çox səmərəli istifadə edirlər. Bizim yığma komandalarımız yeni komplekslərdə təlim-məşq toplanışları keçirirlər. Eyni zamanda, həmin bölgələrdə yaşayan uşaqlar, yeniyetmələr bu komplekslərdən səmərəli istifadə edirlər. Bu bizə imkan verəcək ki, gələcək nəsil də fiziki cəhətdən sağlam olacaqdır. Fiziki cəhətdən, mənəvi cəhətdən sağlam yeni nəsil Azərbaycanı gələcəyə aparacaq bir nəsil olacaqdır.
Azərbaycan gənclərinin sağlamlığı ən prioritet məsələlərdən biridir. Siz idmançılar çox yaxşı bilirsiniz ki, idmanla məşğul olan insanlar heç vaxt mənfi hərəkətlərə yol verməzlər. Əksinə, onlar uşaqlar üçün, yeniyetmələr üçün nümunədir, örnəkdir. Bu baxımdan, hesab edirəm ki, apardığımız təbliğat işləri də çox uğurlu olubdur. Azərbaycan cəmiyyətində idmançılara böyük hörmətlə, rəğbətlə yanaşırlar. Bilirəm ki, idmançı olmaq artıq uşaqlar üçün çox cəlbedici bir peşə olubdur. Bu onu göstərir ki, idmanla məşğul olan şəxs, medal qazanan şəxs, Azərbaycanı dünyada ləyaqətlə təmsil edən şəxslər, onların fəaliyyəti layiqincə qiymətləndiriləcəkdir.
Çox sevinirəm ki, bu gün Azərbaycanın idmanı hərtərəfli inkişaf edir. Mən qeyd elədim ki, Azərbaycanın müxtəlif yerlərində 8 olimpiya kompleksi tikilibdir. İndi daha 5 kompleksin tikilməsi nəzərdə tutulur. Beləliklə, biz verdiyimiz sözə sadiq çıxdıq. Azərbaycanın hər bir bölgəsində idmanla məşğul olmaq üçün gözəl şərait var və bu şərait dünya standartlarına cavab verir.
Mən bu yaxınlarda Qubada idim. Orada bizim olimpiya kompleksində görüş keçirildi. Maraqlandım ki, çoxmu, azmı adam gəlir. Mənə dedilər ki, orada mehmanxanada boş yer yoxdur. Nəinki boş yer yoxdur, hətta bir ay qabaq bütün yerlər sifariş olunubdur. Beləliklə, orada yerlərin azlığı artıq problem yaradır. Bu onu göstərir ki, bu komplekslərdən çox səmərəli istifadə olunur. Mən ümid edirəm ki, gələcəkdə də inşa ediləcək olimpiya qurğuları idmançılara çox gözəl xidmət edəcəkdir.
İdmançılarımızın mükafatlandırılması da çox önəmli məsələdir. Biz buna böyük diqqət göstəririk. Son 7 il ərzində onlarca idmançı təltif olunubdur. Milli Olimpiya Komitəsi xüsusi təqaüd təsis edibdir və bu təqaüdlər verilir. Eyni zamanda, idmançılarımıza, məşqçilərə onların həyat səviyyəsini yaxşılaşdırmaq üçün mənzillər verilir, digər mükafatlar verilir. Yəni, dövlət və Milli Olimpiya Komitəsi daim bu məsələyə böyük diqqətlə, qayğı ilə yanaşır. İdman veteranlarına da diqqət göstərilir, onlar unudulmur, çünki, bilirsiniz ki, idmançının idmanda ömrü uzun deyildir.
İdmançı idmanla məşğul olduğu dövr ərzində bütün bacarığını, imkanlarını işlədir, amma idmandan gedəndən sonra bəzi hallarda unudulur. Bunun qarşısını almaq üçün biz veteranlara da kömək göstəririk. İdmandan gedən idmançıları işlə təmin edirik ki, onlar öz həyatlarını davam etdirsinlər, normal yaşayışla təmin olunsunlar. Beləliklə, həm idmançı kimi, həm də idman veteranı kimi cəmiyyətdə layiqli yerini tutsunlar. Əlbəttə, bundan sonra da bu istiqamətdə işlər aparılacaqdır.
İdmanın hər bir ölkə üçün böyük əhəmiyyəti var. Hər bir ölkənin ictimai həyatında idman çox mühüm rol oynayır. Ölkəni dünyada tanıdır, ölkənin imicini qaldırır. Mən çox şadam ki, Azərbaycanda idman artıq çox mühüm bir ictimai amilə çevrilibdir. İdmançılara çox böyük hörmət var, idmançılar Azərbaycanı çox ləyaqətlə təmsil edirlər. Hər bir azərbaycanlı, hər bir Azərbaycan vətəndaşı görəndə ki, onun ölkəsini təmsil edən idmançı birinci olur, dünya çempionu olur, Azərbaycanın bayrağı qaldırılır, dövlət himni səslənir, o, haqlı olaraq qürur hissi keçirir. Bu, böyük sevinc, böyük xoşbəxtlikdir. Mən şübhə etmirəm ki, idmançılarımız Afina Yay Olimpiya oyunlarında ölkəmizi ləyaqətlə təmsil edəcək və doğma Vətənimizə yeni uğurlar gətirəcəklər.
Yeniyetmələrin, uşaqların vətənpərvərlik ruhunda böyüməsi üçün idman çox mühüm rol oynayır. Bu, Azərbaycanda da belədir. Mən bilirəm ki, Azərbaycanı Afinada təmsil edəcək idmançılar bu oyunlara çox yaxşı hazırlaşıblar. Bu yarışlarda böyük ruh yüksəkliyi, qələbə əzmi ilə iştirak edəcəklər. Amma eyni zamanda, qeyd etdiyim kimi, hər bir xidmət, hər bir fədakarlıq, vətən uğrunda atılan hər bir addım gərək layiqincə qiymətləndirilsin. Bu məqsədlə Milli Olimpiya Komitəsi və Azərbaycan hökuməti müəyyən tədbirlər görübdür.
Mən bu gün Milli Olimpiya Komitəsinin prezidenti kimi, həm də Azərbaycan Respublikasının Prezidenti kimi görülən işlər haqqında sizə məlumat verəcəyəm. İlk növbədə, lisenziya qazanmış hər bir idmançıya pul mükafatı veriləcəkdir. Bu, bu gün veriləcəkdir. Olimpiya oyunlarında iştirak etmək üçün lisenziya qazanmış hər bir idmançı 15 milyon manat məbləğində mükafatlandırılır. Eyni zamanda, Olimpiya oyunlarında birinci yeri tutan idmançı Milli Olimpiya Komitəsi tərəfindən 250 milyon manat məbləğində mükafat alacaqdır. Onun məşqçisi 125 milyon manat alacaqdır. İkinci yeri tutan idmançı 150 milyon manat, məşqçisi 75 milyon manat, üçüncü yeri tutan idmançı 100 milyon manat, məşqçisi isə 50 milyon manat mükafat alacaqdır. Bu, Milli Olimpiya Komitəsi tərəfindən veriləcəkdir.
Əlbəttə, keçən dəfə olduğu kıimi, müvafiq federasiyalar da öz mükafatlarını verəcəklər. Ümid edirəm ki, sponsorlar da öz sözlərini deyəcəklər. Eyni zamanda, Azərbaycan Respublikasının Prezidenti kimi bu gün mən Sərəncam imzaladım. Sərəncamda deyilir ki, Olimpiya oyunlarında birinci yeri tutan idmançı 500 milyon manat, məşqçisi 250 milyon manat mükafat alacaqdır. İkinci yeri tutan idmançı 250 milyon manat, məşqçisi 125 milyon manat, üçüncü yeri tutan 120 milyon manat, məşqçisi isə 60 milyon manat mükafat alacaqdır. Təkcə Milli Olimpiya Komitəsi və Azərbaycan hökuməti tərəfindən birinci yeri tutan idmançıya veriləcək məbləğ 750 milyon manat olacaqdır.
Mən bilirəm ki, bunlar olmasa belə, yenə də idmançılarımız ölkəmizi ləyaqətlə təmsil edəcəklər. Çünki idmançıların əsas stimulu, onlara əsas güc verən amil Vətənə məhəbbət, xalqa məhəbbətdir. Bu hisslər, bu duyğular bütün Azərbaycan cəmiyyətini birləşdirir.
Mən Sidneydə yaşanan günləri xatırlayıram. Mən xatırlayıram, Olimpiya oyunları bitəndən sonra demişdim ki, mən bu hissləri bir daha yaşamaq istəyirəm. Əminəm ki, biz hamımız birlikdə bu hissləri bir daha yaşayacağıq. Azərbaycan idmançıları qalib gələcəkdir.
Əziz dostlar!
Əziz idmançılar!
Sizin hamınıza Olimpiya oyunlarında uğurlar arzulayıram. Əminəm ki, doğma Azərbaycanımızı siz ləyaqətlə təmsil edəcəksiniz və Vətənə qələbə ilə qayıdacaqsınız.

4 avqust 2004-cü il
Xəbər 1410 dəfə oxundu



 
Bölməyə aid digər xəbərlər
02.02.2022 Prezident İlham Əliyev: İdman təkcə fiziki sağlamlıq deyil, bu, həm də özünəinamdır
07.09.2021 Prezident İlham Əliyev Fərid Qayıbovu gənclər və idman naziri təyin olunması ilə əlaqədar videoformatda qəbul edib
13.12.2018 Azərbaycan Prezidenti: Ölkəmizdə beynəlxalq idman yarışlarının keçirilməsi ənənəyə çevrilib
13.12.2018 Azərbaycan Prezidenti İlham Əliyev 2018-ci ilin idman yekunlarına həsr olunan mərasimdə iştirak edib
19.12.2017 Azərbaycan Prezidenti İlham Əliyev 2017-ci ilin idman yekunlarına həsr olunan mərasimdə iştirak edib
18.12.2017 Prezident İlham Əliyev 2017-ci ilin idman yekunlarına həsr olunan mərasimdə iştirak edib
29.09.2017 Azərbaycan Prezidenti İlham Əliyev Milli Olimpiya Komitəsinin 25 illik yubileyinə həsr olunmuş təntənəli mərasimdə iştirak edib
24.12.2016 Azərbaycan Prezidenti İlham Əliyev 2016-cı ilin idman yekunlarına həsr olunan mərasimdə iştirak edib (YENİLƏNİB)
24.10.2016 İlham Əliyev: "Bu, mühüm nailiyyətdir"
05.01.2016 Patrik Hikki: “Bakı-2015” Avropa Olimpiya Komitəsi üçün mühüm hadisədir


  Arxiv
Fotogalereya
  • Rafiq Hüseynovun qələbə sevinci
  • İrina Zaretska Karate 1 Premyer Liqa seriyası yarışında qızıl medal qazanıb
  • Azərbaycan cüdoçusu qızıl medal qazanıb
  • İrina Kindzerska Tokio Olimpiadasının yarımfinal mərhələsinə yüksəlib
  • Mariya Stadnik ardıcıl dördüncü Olimpiadada mükafatçılar sırasında yer alıb
  • Zöhrə Ağamirova Tokio olimpiadasında halqa ilə çıxışını təqdim edib
  • Azərbaycanın qrup hərəkətləri komandası toplarla çıxışı Tokio olimpiadasında
  • Azərbaycan idmançıları Tokio olimpiadasında
  • Azərbaycan idmançıları Tokio olimpiadasında
  • Rafiq Hüseynovun Tokio Olimpiadasında qələbə sevinci
"İdman" qəzeti
"İdman" qəzeti, №21, 12 oktyabr 2021
"İdman" qəzeti, №20, 28 sentyabr 2021
"İdman" qəzeti, №19, 14 sentyabr 2021
Aylıq bületenlərimiz
son sayımız əvvəlki sayımız
İdman qurğuları
Partnyorlar
Sayt Mozilla Firefox, Opera və Internet Explorer ilə tam dəstəklənir.
© 2011İDMAN. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
Designed by V.Aliyev
Ünvan: Bakı şəhəri, Nərimanov rayonu, Sülh küçəsi, 2A
İndex: AZ 1072
E-mail: idman-sport@mail.ru