Ana səhifə  |  Haqqımızda  Əlaqə
 
  

                        
logo-veb
 Xəbərlər
28/03 | 11:06 Azərbaycanın daha 4 boksçusu Bakıdakı beynəlxalq turnirin finalına vəsiqə qazanıb
27/03 | 17:44 Azərbaycanın qadınlardan ibarət boks millisi Bakıdakı beynəlxalq turniri 9 medalla başa vurub
27/03 | 14:40 Azərbaycanın 5 ağırlıqqaldıranı Dünya Kubokunda çıxış edəcək
27/03 | 10:41 Minifutbol çempionatı: “Zirə” növbəti qələbəsini qazanıb
27/03 | 09:59 Azərbaycanın 2 boksçusu "Böyük İpək Yolu"nda bürünc medal qazanıb
26/03 | 22:36 Azərbaycan Kuboku: "Neftçi" qrup lideri kimi yarımfinala yüksəlib
26/03 | 16:40 Azərbaycanın iki qadın boksçusu Bakıdakı turnirdə finala vəsiqə qazanıb
26/03 | 15:39 Azərbaycan avarçəkəni İtaliyadakı turnirdə gümüş medal qazanıb
26/03 | 10:36 AVRO-2024-ə vəsiqə qazanacaq sonuncu komandalar müəyyənləşəcək
26/03 | 09:37 Azərbaycanın U-21 millisi bu gün Ukraynanı qəbul edəcək
25/03 | 22:00 Azərbaycan millisi Bolqarıstan yığması ilə heç-heçə edib
25/03 | 14:21 Azərbaycanın bədii gimnastı Qazaxıstanda bürünc medal qazanıb
25/03 | 13:32 Azərbaycanın daha bir gimnastı Yay Olimpiya Oyunlarına lisenziya qazanıb
25/03 | 11:43 Azərbaycan voleybol çempionatı: XVIII turun proqramı açıqlanıb
25/03 | 10:24 Azərbaycanın üç boksçusu Bakıdakı turnirə qələbə ilə başlayıb
24/03 | 20:25 Azərbaycan cüdoçuları "Böyük Dəbilqə"ni 4 medalla başa vurublar
24/03 | 17:26 Azərbaycan gimnastları Portuqaliyada gümüş medal qazanıblar
24/03 | 15:57 Bakıda "Böyük İpək Yolu" turnirinin açılış mərasimi keçirilib
24/03 | 13:19 Azərbaycanın basketbol millisi Gürcüstanda daha iki qələbə qazanıb
24/03 | 10:31 Azərbaycanın daha bir atıcısı Almaniyada beynəlxalq turnirdə qızıl medal qazanıb
23/03 | 20:42 Azərbaycan atıcısı Almaniyada beynəlxalq turnirdə qızıl medal qazanıb
23/03 | 16:34 Bakıda 11 ölkənin iştirakı ilə “Böyük İpək Yolu” turniri keçiriləcək
23/03 | 14:55 Azərbaycan gimnastları Qazaxıstanda keçirilən turnirdə 6 medal qazanıblar
22/03 | 19:37 “Böyük Dəbilqə”: Azərbaycan cüdoçuları ilk gündə 2 medal qazanıblar
22/03 | 11:27 Azərbaycan tamblinq millisi beynəlxalq turnirdə birinci yeri tutub
22/03 | 11:15 Göygöldə həndbol üzrə Azərbaycan birinciliyinin zona yarışlarına start verilib
22/03 | 10:59 Azərbaycan paraatletika millisi Qran-pridə çıxış edəcək
22/03 | 10:11 Azərbaycanın U-21 yığması bu gün İngiltərə ilə qarşılaşacaq
22/03 | 09:37 Azərbaycan futbol millisi bu gün Monqolustanla üz-üzə gələcək
21/03 | 21:34 "Qarabağ"ın U-14 komandası Minskdə keçirilən turnirdə çempion olub
21/03 | 18:38 Fərid Fərhadzadə Madriddə Dünya Triatlon İttifaqının rəsmiləri ilə görüşüb
21/03 | 17:29 Azərbaycan stolüstü tennisçiləri Ankarada beynəlxalq toplanışa qatılıblar
21/03 | 14:31 Azərbaycan Premyer Liqasında XXIX və XXX turun proqramı açıqlanıb
21/03 | 13:30 Bədii gimnastika üzrə 29-cu Azərbaycan çempionatının açılış mərasimi keçirilib
21/03 | 13:28 Azərbaycan gimnastları beynəlxalq turnirdə finala yüksəliblər
Digər xəbərlər 
 Millətlər Liqası. C divizionu. “C” qrupu
N: Komandalar O Q H M T/F X
1 Belçika 6 5 1 0 16-3 16
2 Avstriya 7 5 1 1 15-7 16
3 İsveçrə 5 2 0 3 11-8 6
4 Azərbaycan 6 1 1 4 4-12 4
5 Estoniya 6 0 1 5 2-18 1
 Premyer Liqa. Turnir cədvəli
N: Komandalar O Q H M T/F X
1 Qarabağ 27 21 3 3 71-23 66
2 Sabah 27 11 7 9 39-32 40
3 Neftçi 27 11 7 9 34-29 40
4 Zirə 27 10 9 8 21-18 39
5 Sumqayıt 27 10 9 8 26-32 39
6 Səbail 27 10 7 10 39-41 37
7 Turan Tovuz 27 9 8 10 41-38 35
8 Araz-Naxçıvan 27 8 8 11 27-36 32
9 Kəpəz 27 7 6 14 29-47 27
10 Qəbələ 27 4 4 19 20-51 16
Səhvlərə harada yol verilir?
Tarix: 04.11.2015 | Saat: 16:50:00 | E-mail | Çapa göndər
BATI YAR | batyyar@mail.ru

Avroliqa təmsilçilərimiz bu həftə qrup turnirinin ikinci dövrəsinə başlayacaqlar. 4-cü turda rəqiblər bir həftə əvvəlkilər olacaq. Ötən 3 tur ərzində baş verənlər isə, zənnimcə, hər iki komandamız üçün arayıb-araşdırmaq, təhlil etmək üçün kifayət qədər mövzu verib. Dönüb geri baxanda, əlbəttə, haradasa daha yaxşı çıxış etməyin, daha yaxşı nəticələr əldə etməyin mümkünlüyünü dərhal hiss edirsən. Söz yox, bu oyundur və səhvləri ilə də gözəldir. Üstəlik, "Qəbələ" bu səviyyədə ilk sınağına çıxır, "Qarabağ" isə kövrək addımlarını daha sanballı təcrübə ilə əvəzləyir. Bəlkə də "Qəbələ"nin qrupunda "Qarabağ" olsaydı, indi aşılan qrup səddi barədə daha əminliklə danışardıq. Lakin komandalarımız üçün bu yarışda öz potensiallarına ən uyğun qruplar düşüb. Axı, məhz hərənin öz imkanına görə olan rəqiblərlə mübarizədə püxtələşmək, irəli getmək, daha yüksək səviyyəyə yüksəlmək mümkündür.

Əgər komandalarımızın nə üçün daha çox xal toplamadıqlarını təhlil etsək, ilk növbədə, nöqsanlara oyun meydanında deyil, ondan kənarda yol verildiyinə əmin olarıq. Çünki hər iki təmsilçimiz rəqibləri ilə oyunlarda az-çox başabaş rəqabətə qadir olduqlarını nümayiş etdiriblər. Hər ikisi üçün ən böyük çatışmazlıq məhz rəqibi dəyərləndirmək bacarığının zəifliyidir. Sanki komandalarımız bu səviyyədə mübarizənin nə olduğunu, el dili desək, başı daşa vurmaqla öyrənməyə cəhd edirlər. Halbuki bunun ən qısa yolu məhz hazırlıq dövründə sanballı təhlilçilərin rəqibin istər çempionat, istərsə də beynəlxalq oyunlarını izləyib müvafiq tövsiyələr paketi hazırlamasından keçir. Futbolla az-çox maraqlanan hər kəsin düşüncəsində, yəqin ki, "Səfərdə "Qarabağ” "Tottenhem"ə uduzmalı deyildi"; "Knyazlıq təmsilçisinə isə nəinki uduzmamalı, hətta ona qalib gəlməli idi" fikirləri də yer alıb. Axı, bu oyunlarda təmilçimiz rəqiblərindən heç nədə geri qalmır, hələ, üstəlik, oyunu formalaşdıran əsas komponentlərin hər birində qabaqlayırdı da. Eyni sözləri "Qəbələ"nin evdə PAOK, səfərdə isə "Krasnodar"la matçları barədə də söyləmək olar. Bəs nə üçün xal itkiləri və məğlubiyyətlər? İlk ağlabatan ifadə "təcrübəsizlik" olur. Lakin, məncə, bu ifadələr "Qəbələ" ilə bağlı heç söylənilməməlidir, çünki komandanın əsas heyətində Azərbaycan futbol məktəbinin yetirmələri yer almır və cəmi bir futbolçu millimizin şərəfini qoruyur. Hətta təcrbəli, final görmüş futbolçular da bu məqam üçün lazım olan səviyyəni, liderliyi nümayiş etdirə bilmirlər. Deməli, məsələnin kökü tam başqa yerdədir və bu, məhz rəqibi dəyərləndirmək, təhlil etmək, çözmək bacarığının olmaması ilə əlaqələndirilə bilər.

Qurban Qurbanovun başçılıq etdiyi məşqçi korpusu üçün bu, haradasa keçərli olsa da, "Qəbələ" haqqında daha ciddi tənqidi fikirlər söyləməyimin təməlində məhz əcnəbilər ordusunun olması dayanır. Əgər bu qüvvə yetərli deyildisə, fərqli addımlar atıla bilərdi. Üstəlik, "Qəbələ" mərhələdən-mərhələyə uğurlarına daha çox sevinməklə, qrup mərhələsinə daxil olmağın çox şişirdilməsinə imkan verdi. Yaxşı cəhət isə odur ki, bu qədər şişirdilmiş mədhiyyələrdən sonra, komanda çətin rəqiblərlə oyunlara təpərlə çıxmağa çalışır. Elə ümidi qoruyan da budur.

Söz yox ki, bu məqamda əsas diqqət həm milli komandamızın da əsas oyunçu təchizatçılarından biri, həm də daha təcrübəli və inam yaradan kollektiv kimi "Qarabağ"a yönəlib. Komandanın hər addımının böyük olmasını arzulayırıq. Axı, Şərqi Avropa kollektivlərinin qəfil yüksəlşlərinin heç də bəhərsiz olmadığını çox görmüşük. İkinci turda ideala yaxın taktiki-strateji seçimlərlə, hətta əvəzləmələrlə də doğru qərarları ilə sevindirən Ağdam klubunun məşqçi korpusu bu dəfə ilkin taktiki-strateji hədəfləri düz müəyyən etsə də, sonrakı qərarlarda yanıldı, ləngidi, həddən artıq hövsələli davrandı. Çünki buraxılan və təəssüf doğuran, elə buna görə də bəlkə kiməsə haqsız görünən qolun yetişmək üzrə olduğu aydın görünürdü. Bunu əyani müşahidə etmək istəyənlər, sadəcə, qoldan əvvəlki 20 dəqiqə ərzində rəqibin hücumlarının yönünü-yöntəmini izləsin; məncə, yetər.

Qurban Qurbanovun oyundan-oyuna dəyişən bu halı da çaşdırması - təbiidir. Onun oyun zamanı hissi-həyəcanı aydın sezilir və bu psixoloji təziyiqin təsirləri sözünü deyir. Digər həqiqətlər də var. Çünki o, məhz oyundan-oyuna öyrənmək məcburiyyətindədir. Onun ətrafına məhz köməkçilik qabiliyyəti ilə seçilən bir, ya bir neçə avropalı köməkçi gətirilsə, oyunların təhlilində düzgün metodika seçilər və bu da ona özünü təsdiq etməyə yetər. Qurban Qurbanov bu səviyyə üçün artıq çoxdan yetişib.

"Qarabağ"ın Avropada qəfil sıçrayışlara nail olmuş ortabab klublardan fərqi ondadır ki, onun şəksiz-şübhəsiz və şəriksiz lideri yoxdur. Əslində, yüksəlişdə olan və özünə yer etmək istəyən bir klubun inkişaf parametrləri, templəri üçün bundan yaxşı heç nə ola bilməz. Axı, liderli komandalarda liderlərdən sonrakı dövrlər çox çətin, mürəkkəb və eniş-yoxuşlu olur.

Məhz komanda kimi meydana atılıb sözünü deyənlər üçün bu fərq sabitlikdə və daimilikdədir. Buna görə "Qarabağ"ın oyununda belə qəfil eniş-yoxuşların olmaması üçün sabitliyə meyillilik və heyətin çeşidi və genişliyi vacibdir. Üstəlik, bu heyətdə nəsillərin müxtəlif dövrləri təmsil olunmalıdır. Mövcud vəziyyətə görə, bunun hamısı "Qarabağ"da var. Deməli, məşqçi korpusu bütün qüvvəsini toparlayıb, məhz orta balansı taparaq, öz yolunu davam etdirməlidir. Buna görə bu gün "Qarabağ" maraq doğurur, azarkeş diqqətini çəkir, perspektivli görünür.

Yoldan sapmamaq üçün də hər şey var. Komandaya, Avropa Liqasının qrup mərhələsinə düşən kimi, "Neftçi"nin qədəm qoyduğu yolu xatırlayıb, o addımları təkrarlamaması yetər. Axı, həmin uğurların təməl dövründə "Neftçi" daha münbit və əsaslı inkişaf şərtinə və şəraitinə malik idi. Lakin elə həmin dövrdə bu gün "Qəbələ"yə təsir etməyən psixoloji amillər "Neftçi"ni sonrakı və nəhayət, bugünkü enişlərə yuvarladı.

Bu məqamda belə mövzulara toxunmağımın əsas səbəbi, hər iki Avroliqa təmsilçimizin yolayırıcında olmasıdır. "Qəbələ" də həm heyətinin potensialına, həm də oyunu formalaşdıran digər komponentlərə görə qrupdan çıxmağa qadirdir. "Qarabağ" isə artıq bunu bacaracağını təsdiq edib və ona görə, daha çətin qrupda yer alsa belə, ondan bu yüksəliş gözlənilir. Komanda, imkanlarına görə, ötənilki "Dnipro"nun uğurlarına da çata bilər. Bunun üçün, məncə, fikirdə olanları əməldə tətbiq etməkdən çəkinməyib, qətiyyəti bir az da artırmaq gərəkdir. Belə olanda, bəxt də lazım olan məqamda yar olur - an özünü yetişdirib köməyə çatır.

Əlbəttə, fikirləşmək olar ki, iki komandamızın tarixdə heç vaxt bu qədər yüksəyə sıçramadığı bir məqamda daha yüksək tələb qoymaq doğru deyil. Lakin bu tələbləri daha yuxarı mərtəbəyə qaldırmağımızın əsl səbəbi elə komandaların özündə - onların potensialında gizlənir. Onların imkanları azarkeşdən, futbol bilicisindən daha yüksəyə qalxmaq istəyi yaradır. Digər yandan, bu tələb olmayacaqsa, həmin andan durğunluq, ardınca eniş, daha sonra iflas başlanacaq - "Neftçi"də olduğu kimi.

BATI YAR



Xəbər 1506 dəfə oxundu



 
Müəllifin son yazıları

14.09.2021 “Qarabağ" iki-üç cəbhədə mübarizəyə hazır kimi görünür
14.09.2021 Uduzmaq ayıb deyil, amma...
07.09.2021 Hətta nağıllar reallıqla bitir: üç alma yerə düşür
07.09.2021 Avrokuboklar: Yalnız “Qarabağ"la
07.09.2021 “Araz" tarixinin 16-cı əsas yarışında
24.08.2021 “Paris-2024": əsas yarış məqamlarına aydınlıq gətirilir
24.08.2021 Avrokuboklar: Sapı iynənin gözündən keçirmək olsa
24.08.2021 Daha bir qarışıq-natamam mövsümə doğru
23.08.2021 Ya qalib, ya da ən yaxşı ikinci olmaq lazımdır
10.08.2021 Əlvida, “Tokio-2020"!


  Arxiv
Fotogalereya
  • Rafiq Hüseynovun qələbə sevinci
  • İrina Zaretska Karate 1 Premyer Liqa seriyası yarışında qızıl medal qazanıb
  • Azərbaycan cüdoçusu qızıl medal qazanıb
  • İrina Kindzerska Tokio Olimpiadasının yarımfinal mərhələsinə yüksəlib
  • Mariya Stadnik ardıcıl dördüncü Olimpiadada mükafatçılar sırasında yer alıb
  • Zöhrə Ağamirova Tokio olimpiadasında halqa ilə çıxışını təqdim edib
  • Azərbaycanın qrup hərəkətləri komandası toplarla çıxışı Tokio olimpiadasında
  • Azərbaycan idmançıları Tokio olimpiadasında
  • Azərbaycan idmançıları Tokio olimpiadasında
  • Rafiq Hüseynovun Tokio Olimpiadasında qələbə sevinci
"İdman" qəzeti
"İdman" qəzeti, №21, 12 oktyabr 2021
"İdman" qəzeti, №20, 28 sentyabr 2021
"İdman" qəzeti, №19, 14 sentyabr 2021
Aylıq bületenlərimiz
son sayımız əvvəlki sayımız
İdman qurğuları
Partnyorlar
Sayt Mozilla Firefox, Opera və Internet Explorer ilə tam dəstəklənir.
© 2011İDMAN. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
Designed by V.Aliyev
Ünvan: Bakı şəhəri, Nərimanov rayonu, Sülh küçəsi, 2A
İndex: AZ 1072
E-mail: idman-sport@mail.ru