“Zirvə” İdman Klubunun “9-cu Zirvə Kuboku və 2-ci Dünya Çempionatı”nın 2015-ci ildə 1-ci seçmə mərhələsi tam sürətlə davam edir. Klubun beynəlxalq layihəsi olan “Zirve İnternational Sport Clubs”-ın bütün filialları arasında keçirilən yarışlardan növbətisi Samuxda olub və yenə rekord qeydə alınıb.
Fevralın 20-də Samuxda qərb zonasındakı filiallarımızın atletləri güclərini sınayıblar. Bu dəfə onların sayı 135 nəfər olub. Bu, ötən belə yarışdan xeyli çoxdur. Çünki 2014-cü ilin noyabrındakı mərhələ yarışında cəmi 94 atlet gücünü sınamışdı.
Beləliklə, mərhələ yarışlarında bu günə qədər 425 ağırlıqqaldıran medallar uğrunda mübarizə aparıb. Fantastik rəqəmdir. Nəzərə alsaq ki, daha bir yarış sabah – fevralın 23-də Abşeronda keçiriləcək, bu rəqəmin artması labüddür.
Yarışlar şəxsi xarakter daşıyır və ona 2006, 2005, 2004, 2003, 2002, 2001, 2000, 1999, 1998, 1997-cı il və daha böyük yaşlı oğlan və qızlar buraxılırlar. Qalib və mükafatçılar yaşa, qaldırdığı ağırlığa və şəxsi çəkiyə müvafiq “Sinkleyr” cədvəli əsasında müəyyən olunacaq, medal və diplomlarla təltif olunacaqlar.
|
