Futbolçu karyerasını başa vurmasını elan edən Devid Bekhem Şimali Amerikanın MLS çempionatına dönə bilər. Ancaq futbolçu kimi deyil, klub sahibi kimi. «Sky Sports»un yazdığına görə, Devid 2007-ci ildə «Los Anceles Qelaksi» ilə müqavilə imzalayanda, gələcəkdə MLS-ə öz şəxsi klubunu almaq hüququnu da əldə etmişdi. MLS rəhbərliyi liqanın 20-ci üzvü kimi Nyu Yorkdan olan klubun çıxış etməsini istəyəir. Belə bi r klubu «Mançester Siti»nin sahibi şeyx Mənsur yaratmaq arzusundadır.
Məhz Bekhem də yeni klubuna 25 milyon avro qoyaraq, MLS-ə komanda çıxarmaq hüququnu əldə etmək üçün danışıqlar aparır. Ancaq ingilis futbolçu komandasının Nyu Yorkda yerləşməsini istəmir. Hazırda məhz bu məsələ ətrafında müzakirələr gedir.
Xəbər 795 dəfə oxundu.