Hamed Dağestani karyerasını ölkəmizdə davam etdirəcək | |
İranın “Peykan” futbol komandasının müdafiəçisi Hamed Dağestani karyerasını Azərbaycanda davam etdirməyi düşünür. İdman.com.az saytı xəbər verir ki, əslən azərbaycanlı olan futbolçu bir neçə ay əvvəl Azərbaycana gələrək “Xəzər-Lənkəran” klubunda olmuş və burada transfer pəncərəsi bağlı olduğundan geri qayıtdığını vurğulayıb. Futbolçu Azərbaycanda oynamağa üstünlük verdiyini də dilə gətirib. H.Dağestani deyib: “Azərbaycanı çox sevirəm və ona görə də orada futbol oynamaq niyyətim vardır. Mənim Azərbaycanda menecerim var və klublarla danışıqları o aparır. Hələlik, hansı klubla danışıqlar getməsi barədə bir söz deyə bilmərəm, amma orada oynamaq niyyətim var və bunun üçün də menecerim vasitəsilə danışıqlar gedir”. |
|
Xəbər 872 dəfə oxundu. |
|
|