İranlı futbolçu Premyer Liqaya gələ bilər | |
İranın “Peykan” klubunda çıxış edən müdafiəçi Hamed Dağestani karyerasını Azərbaycanda davam etdirə bilər. Bu barədə futbolçunun özü bildirib. Əslən azərbaycanlı olan futbolçu bir neçə ay əvvəl Azərbaycana gələrək “Xəzər-Lənkəran” klubuna baş çəkdiyini və burada transfer pəncərəsi bağlı olduğundan geri qayıtdığını vurğulayıb. O Azərbaycanda oynamağa üstünlük verdiyini də dilə gətirib: “Azərbaycanı çox istəyirəm və ona görə də orada futbol oynamaq niyyətim var. Mənim Azərbaycanda menecerim var və klublarla danışıqları o aparır. Hələlik hansı klubla danışıqlar getməsi barədə bir söz deyə bilmərəm, amma orada oynamaq niyyətim var və bunun üçün də menecerim vasitəsilə danışıqlar gedir”. |
|
Xəbər 949 dəfə oxundu. |
|
|