Türk əsilli futbolçu Məsut Özil maraqlı açıqlamalar verib.İdman.com.az saytının məlumatına görə, “Real Madrid”in futbolçusu Məsut Özil Çempionlar Liqasının yarım finalında rəqibləri “Borussiya Dortmund” barədə danışıb: “Qrup mərhələsində oynadığımız matçlar bizim üçün artıq geridə qalıb. “Dortmund”a hörmət edirik, lakin onlardan çəkinmirik. Komandamızın necə oyun nümayiş etdirdiklərinin fərqindəyik. Hər hansı bir komandanı məğlub etmək üçün istənilən qədər gücümüz var. Əminəm ki, “Borussiya”nı da məğlub edəcəyik. Yarımfinalda qalib olmaq üçün bütün gücümüzlə mübarizə aparacağıq. Qrup mərhələsindən hər iki komanda bir-birini yaxşı tanıyır. Biz özümüzə güvənirik”.
Qeyd edək ki, “Borussiya” ilə “Real” arasında ilk oyun aprelin 24-də Almaniyada, cavab matçı isə aprelin 30-da Madriddə keçiriləcək.
Xəbər 752 dəfə oxundu.