«Peskara»nın prezidenti Daniele Sebastyani Zdenek Zemanın komandasının sükanna dönüşünü istisna etmir. İdman.com.az saytı xəbər verir ki, «Peskara» məhz bu məşqçinin sayəsində 20 ildən sonra «A» Seriyaya dönmüşdü. Sebastyani deyib: «Məncə bu məsələdə nəsə şərh vermək indiki vəziyyətdə hazırkı məşqçilər qərargahına hörmətsizlik olar. Ancaq hadisələrin gedişinə iyunda baxarıq». 29 turdan sonra «delfin»lər turnir cədvəlinin dibində qərarlaşıblar və xilaskar 17-ci yerdən 5 xal məsafədədilər. Komanda artıq 10 oyundu ki, qələbə qazana bilmir».
Xəbər 877 dəfə oxundu.