2012-ci il dekabrın 1-də Bağdad şəhərində imzalanmış “Azərbaycan Respublikasının Gənclər və İdman Nazirliyi və İraq Respublikasının Gənclər və İdman Nazirliyi arasında gənclər və idman sahələrində əməkdaşlıq haqqında Anlaşma Memorandumu”nun təsdiq edilməsi barədə Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram: 1. 2012-ci il dekabrın 1-də Bağdad şəhərində imzalanmış “Azərbaycan Respublikasının Gənclər və İdman Nazirliyi və İraq Respublikasının Gənclər və İdman Nazirliyi arasında gənclər və idman sahələrində əməkdaşlıq haqqında Anlaşma Memorandumu” təsdiq edilsin. 2. Azərbaycan Respublikasının Gənclər və İdman Nazirliyi bu Fərmanın 1-ci hissəsində göstərilən Anlaşma Memorandumunun müddəalarının həyata keçirilməsini təmin etsin. 3. Azərbaycan Respublikasının Xarici İşlər Nazirliyi həmin Anlaşma Memorandumunun qüvvəyə minməsi üçün zəruri olan dövlətdaxili prosedurların yerinə yetirildiyi barədə İraq Respublikası Hökumətini xəbərdar etsin. İlham Əliyev Azərbaycan Respublikasının Prezidenti Bakı şəhəri, 6 fevral 2013-cü il.

Xəbər 1407 dəfə oxundu.