Gənclər və İdman Nazirliyi I Avropa Oyunları üçün loqotip müsabiqəsi elan edib

I Avropa Oyunlarının loqotipini hazırlayan 5000 manat qazanacaq Avropa Olimpiya Komitəsinin Baş Assambleyasının 8 dekabr 2012-ci il tarixli qərarını və "I Avropa Oyunlarının 2015-ci ildə Bakı şəhərində keçirilməsi üzrə Təşkilat Komitəsinin yaradılması haqqında" Azərbaycan Respublikası Prezidentinin 17 yanvar 2013-cü il tarixli Sərəncamını nəzərə alaraq Azərbaycan Respublikasının Gənclər və İdman Nazirliyi" I Avropa Oyunları (Bakı 2015)" mövzusunda açıq loqotip müsabiqəsi elan edib. Əsas şərtlər: - Müsabiqədə dizayn qrafikası sahəsində peşəkar və ya həvəskar olaraq fəaliyyət göstərən hər bir şəxs iştirak edə bilər. - İştirakçılara yaş məhdudiyyəti qoyulmur. - Bir müəllif ən çox 5 iş təqdim edə bilər. - Təqdim edilən işlər müsabiqənin mövzusuna uyğun olmalıdır. - Müsabiqəyə yalnız indiyə qədər istifadə edilməyən və mövcud loqotiplərin elementlərini təkrarlamayan loqotiplər təqdim edilməlidir. Təqdim olunan loqotiplər aşağıdakılardan ibarət olmalıdır: - loqotipin ağ-qara həlli - loqotipin rəngli həlli - loqotipin rastr qrafik versiyası (*jpeg, *png (ölçüsü 500 kb az olmamaq şərti ilə)) - loqotipin vektor versiyası (*eps, *ai, *cdr (12-ci versiya)) Təqdim olunan işlər və ərizə forması 23 fevral 2013-cü il tarixə kimi elektron formada həm müsabiqənin baku2015@yahoo.com elektron poçt ünvanına, həm də Təşkilat Komitəsinə (cd-r, dvd-r) göndərilməlidir. Müsabiqənin mükafat fondu aşağıdakı qaydada müəyyənləşdirilib: - I yer - 5000 AZN - II yer (laureat) - 3000 AZN - III yer (laureat) - 2000 AZN Müsabiqənin Əsasnaməsini, ərizə formasını və daha ətraflı məlumatı www.mys.gov.az internet saytından əldə etmək olar. Əlaqələndirici şəxs: Ülviyyə Zeynalova Telefon: 465-84-15; 051-992 06 20 E.mail: baku2015@yahoo.com Ünvan: Bakı ş., Olimpiya küç. 4, Gənclər və İdman Nazirliyinin inzibati binası (210-cu otaq)

Xəbər 1645 dəfə oxundu.