Dünyanın ən güclü klublarının reytinq cədvəli

Beynəlxalq Futbol Tarixi və Statistikaları Federasiyası (İFFHS) dünyanın ən güclü klublarının növbəti reytinq cədvəlini açıqlayıb. 2012-ci ilin yekunlarına əsasən, planetin 436 ən güclü komandası müəyyənləşib. Siyahıda Azərbaycanın 2 təmsilçisi də yer alıb. İFFHS-in cədvəlində xeyli vaxtdır ölkəmizi təmsil edən “Neftçi” növbəti irəliləyişə nail olub. Ötən ili 90,5 xalla bitirən “ağ-qaralar” dünyanın 191-ci komandasıdır. Ötən ay 213-cü olan bakılılar irəli doğru 22 addım atıblar. Təmsilçimizin son 1 ayda arxada qoyduğu komandalar arasında Rusiya MOİK-i, Polşa “Lex”i, İngiltərə “Stok Siti”si, Argentina “Estudiantes”i kimi komandalar var. Digər təmsilçimiz “İnter” 15 pillə geriləyərək, 410-cu yerdən 425-ciyə enib - 60 xal. Siyahıya İspaniya “Barselona”sı başçılıq edir – 307 xal. 279 xala malik İngiltərə “Çelsi”si 2-ci sırada qərarlaşıb. 3-cü yeri isə Argentina “Boka Xuniors”u ilə İspaniya “Atletiko”su bölür – hərəyə 278 xal.

Xəbər 980 dəfə oxundu.