Avropa Liqasının 1/16 final mərhələsi

Bu gün Avropa Liqasının 1/16 final mərhələsinin püşkatma mərasimi keçiriləcək.İsveçrənin Nyon şəhərində baş tutacaq tədbir Bakı vaxtı ilə saat 17:00-da başlayacaq. Çempionlar Liqasında olduğu kimi, Avroliqada da qrup qalibləri ikinci pillənin sahibləri ilə üz-üzə gələcək və eyni ölkənin təmsilçiləri bir-biri ilə qarşılaşdırılmayacaq. "Neftçi"nin qrupundan növbəti mərhələyə çıxan "Rubin"lə "İnter" rəqiblərini gözləyir. Qeyd edək ki, 1/16 final mərhələsinin ilk oyunları fevralın 14-də keçiriləcək. Avropa Liqanın 1/16 final mərhələsinin bütün iştirakçıları "Səpələnmişlər": "Liverpul" (İngiltərə), "Viktoriya" (Çexiya), "Fənərbaxça" (Türkiyə), "Bordo" (Fransa), "Styaua" (Rumıniya), "Dnepr" (Ukrayna), "Genk" (Belçika), "Rubin" (Rusiya), "Lion" (Fransa), "Latsio" (İtaliya), "Metallist" (Ukrayna), "Hannover" (Amaniya), "Çelsi" (İngiltərə), "ÇFR Kluj" (Rumıniya), "Olimpiakos" (Yunanıstan), "Benfika" (Portuqaliya). "Səpələnməmişlər": "Anji” (Rusiya), "Atletiko" (Madrid, İspaniya), "Borussiya" (Münhenqladbax, Almaniya), "Nyukasl" (İngiltərə), "Ştutqart" (Almaniya), "Napoli" (İtaliya), "Bazel" (İsveçrə), "İnter" (İtaliya), "Sparta" (Çexiya), "Tottenhem" (İngiltərə), "Bayer" (Almaniya), "Levante" (İspaniya), "Zenit" (Rusiya), BATE (Belarus), "Dinamo" (Kiyev, Ukrayna), "Ayaks" (Hollandiya).

Xəbər 925 dəfə oxundu.