Qazaxıstanda 8 medal qazandılar

Qazaxıstanın Karaqanda vilayətində yeniyetmələr arasında keçirilən ənənəvi beynəlxalq turnir başa çatıb. Turniri Azərbaycan idmançıları üçün uğurlu hesab etmək olar. Boks Federasiyasından idman.com.az-a verilən məlumata görə, boksçularımız 1 qızıl, 2 gümüş və 5 bürünc medal qazanıblar. Yeganə qızıl medalın sahibi 57 kq-da çıxış edən və bütün rəqiblərini məğlubiyyətə uğradan İsmayıl Hüseynov olub. Yalnız finalda büdrəyən Ümid Rüstəmovla (52 kq) Ağasif Eyniyev (48 kq) turnirin gümüş medalını qazanıb. Maraqlıdı ki, öz çəkisində ikinci olan Ağasif həm də "Qələbə əzminə görə" mükafatına da layiq görülüb. Yığmamızın aktivinə yazılan bürünc medallar isə Mirağa İsmaylov (52 kq), Rövşən Musayev (66 kq), Şükran Mehdiyev (80 kq) və Fərid Əliyevin (+80 kq) payına düşüb.

Xəbər 947 dəfə oxundu.