Tələbələr arasında dünya çempionatı davam edir

Bakı İdman Sarayında boks üzrə tələbələr arasında dünya çempionatı davam edir. Yarışın 3-cü günündə milli komandamızın 4 üzvü rinqə çıxıb. 49 kq çəki dərəcəsində mübarizə aparan Avropa çempionu Salman Əlizadə rusiyalı Maqomed İbiyevlə üz-üzə gəlib. 15:7 hesabı ilə qalib gələn həmyerlimiz dünya çempionatına qələbə ilə başlayıb. 56 kq çəki dərəcəsində yarışan Cavid Çələbiyevin görüşü isə daha çətin alınıb. O, türkiyəli boksçunu 4 xal fərqlə məğlub edib – 13:9. Avropa çempionatının bürünc mükafatçısı, London Olimpiadasının iştirakçısı Heybətulla Hacəliyev də Türkiyə idmançısı üzərində qələbə qazanıb. Yığmamızın üzvü Ural Qarslıoğlunu 11:3 hesabı ilə üstələyib. Son olaraq boksçularımızdan Emin Əhmədov rinqə çıxıb. O, ukraynalı Taras Makarovu 1 xal fərqlə məğlub edib – 15:14. 49 kq Salman Əlizadə (Azərbaycan) - Maqomed İbiyev (Rusiya) - 15:7 Oljas Bainiazov (Qazaxıstan) - Ferhat Pəhləvan (Türkiyə) - 7:13 56 kq Abdullah Dursun (Türkiyə) - Cavid Çələbiyev (Azərbaycan) - 9:13 Mahir Paşayev (Rusiya) – Oleq Prudkiy (Ukrayna) tam üstünlüklə Paşayev qalib gəlib 64 kq Dmitri Qalaqot (Moldova) - Ruslan Urix (Rusiya) - 10:13 Heybətulla Hacəliyev (Azərbaycan) - Ural Qarslıoğlu (Türkiyə) - 11:3 75 kq Taras Makarov (Ukrayna) - Emil Əhmədov (Azərbaycan) - 14:15 Amir Süleymanov (Rusiya) - Abzal Kuttibekov (Qazaxıstan) - 8:4

Xəbər 959 dəfə oxundu.